“პედრი მსოფლიოში საუკეთესო ნახევარმცველია” | ტონი კროოსი

პედრი, ჩემი აზრით, ამჟამად მსოფლიოში საუკეთესო ნახევარმცველია.

ზოგადად, ის ისეთი ფეხბურთელია, რომელიც, როცა არ თამაშობს, გენატრება – მნიშვნელობა არ აქვს, ვინ წინააღმდეგ. პედრის მხოლოდ გოლები არ გააქვს და მხოლოდ ასისტებს არ აკეთებს, – იგი გამოსავალს პოულობს.

ამ სეზონში ესპანელს ვაკვირდები – ჩემპიონთა ლიგაზე იგი თამაშში, საშუალოდ, მოწინააღმდეგის ბარიერს 52-ჯერ ლახავს, ლა ლიგაში კი კიდევ უფრო საოცარი შედეგი აქვს – 59! ის მატჩში 11-12 მცველს უმკლავდება, რაც შუახაზელისთვის ყველაზე რთული საქმეა.

გონსალესი საუკეთესოა. თუ ასეთი მოთამაშე გაკლია, ამას შეამჩნევ!

პედრი იმ მცირერიცხოვან ნახევარმცველთა შორისაა, რომელთაც მჭიდრო სივრცეებში მეტოქეების მოტყუება შეუძლიათ. მისნაირი ფეხბურთელი თამაშის ყველა ფაზაში გეხმარება.

ყოველთვის მქონდა გრძნობა, რომ ის სწრაფი არ ჩანდა, მაგრამ შემდეგ დრიბლინგს დაიწყებდა და საკუთარ თავს ვეუბნებოდი: “მაინც შეცდა… თუმცა, მე ამის გაკეთებაც არ შემიძლია.”

პედრი მესივით არაა. ხედავდი, რომ არგენტინელი წარმოუდგენელი სისწრაფით მოძრაობდა, პედრი კი ასეთი არ ჩანს, მაგრამ არის – ის ყველაფერს ძალიან მარტივად აკეთებს.

შეიძლება, ითქვას, რომ პედრისნაირი ფეხბურთელი უფრო მნიშვნელოვანია, ვიდრე ლამინ იამალი, რაფინია ან ლევანდოვსკი. ისინი მატჩების ბედს წყვეტენ, მაგრამ იქამდე საქმეს პედრი ასრულებს, რომელიც დღეს, თავის პოზიციაზე, საუკეთესოა.