ჰანსი ფლიკი ბრესტთან მატჩის წინ

ჩვენთვის ძალიან მნიშვნელოვანი იქნება ბურთის კონტროლი და შეტევების დასრულება ისე, რომ სამი ქულა ავიღოთ.

ახალგაზრდა გუნდი გვყავს, ლიგაში ყველაზე ახალგაზრდა და ყოველთვის გლუვი გზა არ მოჩანს. 90 წუთის განმავლობაში, გარკვეულ სიტუაციებში ფრთხილად უნდა იყო. 0-2-ისა და წითელი ბარათის დროს, თავი უკეთ უნდა დაგვეცვა, ვიდრე ეს გავაკეთეთ. ყოველთვის გვინდა თამაში და შეტევა, მაგრამ ზოგჯერ საკმარისია, რომ ბურთი გააკონტროლო და თავი კარგად დაიცვა. ლიგაში ბევრი რთული გასვლითი თამაშია და მე მომწონს მათი გულშემატკივრები, რადგან ისინი ძალიან კარგ ატმოსფეროს ქმნიან.

მე ყოველთვის პოზიტიურად ვფიქრობ, ეს არის, რაც ვთქვი. ეს ახალგაზრდა გუნდია და სეზონის განმავლობაში ნორმალურია, რომ ზოგი ასეთი სიტუაცია გქონდეს. ჩემთვის, მნიშვნელოვანია, რომ აქედან ისწავლო. მოთამაშეთა ხარისხი ძალიან მაღალია და ეს მოედანზე უნდა ვაჩვენოთ და გვინდა, რომ ეს ხვალ ვაჩვენოთ, მაგრამ ამ ძალიან ახალგაზრდა გუნდის პროცესი ფეხბურთის ნაწილია. ლიგაში კვლავ ვლიდერობთ, მცირე უპირატესობით, მაგრამ ნებისმიერი გუნდი ისურვებდა მსგავს გზას.

რა თქმა უნდა, როცა ბურთს უკან ვიბრუნებთ, ზოგჯერ უკეთესია ის გააკონტროლო, ზოგჯერ კი გვინდა, რომ შემდეგი გოლი გავიტანოთ და ეს არაა შესაძლებელი, განსაკუთრებით გასვლაზე და ეს უნდა ვისწავლოთ, უკან დახევა და თავიდან დაწყება, ეს არის ის, რაც უნდა გავაკეთოთ.

ჩვენ იგივე დონეზე ვართ, როგორც წინა თამაშებში ვიყავით, ვიგოსა ან მიუნხენში. ეს ფსიქოლოგიის საკითხი არაა, უფრო შეცდომების. ბევრი რამ შეგვიძლია გავაკეთოთ ბურთით ან უბურთოდ და ამაზე ვართ ფოკუსირებული.

ჩვენს გზას ვაგრძელებთ, ეს ჩვენი გზაა და ამით ყველა კარგად ვგრძნობთ თავს, მოთამაშეებმა ეს იციან, მათ იციან, თუ რისი გაუმჯობესება გვჭირდება, ჩვენ ვისაუბრეთ ამის შესახებ და მოთამაშეებს ვენდობით. ჩვენ ახალგაზრდა გუნდი ვართ, რომელიც კარგად თამაშობს, თუმცა არც ისე კარგად ბოლო თამაშებში, მაგრამ აქედან სწავლა შეგვიძლია.

კავშირი კარგად უნდა დაამყარო, მთელმა გუნდმა, დაცვასა და შეტევაში, როცა ვუტევთ, ეს დაცვიდან იწყება და კარგია, რომ დაკავშირებულია. ბურთზე ზეწოლა უნდა მოახდინო, როცა მას კარგავ და თუ ამას არ გააკეთებ, მეტოქეებმა იციან, როგორ მოგიტრიალდნენ.

მნიშვნელოვანია მოთამაშეებმა იცოდნენ, რომ ისინი კარგები არიან, მათ ხარისხი და ჩვენი მხარდაჭერა აქვთ. გვინდა მათ ერთად თამაში ვასწავლოთ, რათა მოედანზე ერთმანეთთან კავშირში კარგად იყვნენ. წარმოუდგენელია იმის ნახვა, თუ როგორ შეუძლიათ მათ თამაში, მაგრამ ეს თამაშში უნდა გადმოვიტანოთ და ამაზე ვართ ფოკუსირებული.

რა თქმა უნდა, მე შევცვალე ის (ბალდე), რადგან ჟერარს ყვითელი ჰქონდა. გასულ კვირაში ბალდეს კუნთის პრობლემები ჰქონდა და თამაშამდე იგივე სიტუაცია იყო, ვიფიქრეთ, რომ ის თამაშს შეძლებდა, მაგრამ ეს შეუძლებელი იყო. დღეს ის კარგი იყო და შეუძლია სხვა თამაშებისთვის მზად იყოს, მაგრამ არა ხვალისთვის.

მნიშვნელოვანია მოგება და ხვალინდელ თამაშში ამაზე ვართ ფოკუსირებული.

ლამინს აქვს ხარისხი, რაც საშუალებას გაძლევს ბურთი აკონტროლო და სივრცეები შექმნა. ვფიქრობ და ვიმედოვნებ, რომ ეს ბოლო თამაშია, რომელსაც ის გამოტოვებს, რადგან დღეს ის ძალიან კარგი იყო, მაგრამ უნდა მოვიცადოთ. ვიმედოვნებ, რომ შაბათს ის მზად იქნება, ალბათ სათადარიგოზე, მაგრამ ვნახოთ.