ბარსელონა სერჟი რობერტოს კონტრაქტს გაუხანგრძლივებს

Marca-ს ინფორმაციით, ჩავის წასვლის მიუხედავად, ბარსელონას სერჟი რობერტოსთან კონტრაქტის გახანგრძლივება მაინც სურს.

რობერტოს მთავარი მხარდამჭერი სწორედ ჩავი იყო, მაგრამ ბარსას მისი შენარჩუნება არ გადაუფიქრებია, რადგან ხელმძღვანელობა ფეხბურთელის გამოცდილებას, გადამწყვეტ მომენტებში თავის გამოჩენის უნარს, ლიდერობას, პიროვნებასა და იმ ფაქტს, რომ სერჟი კლუბს კარგად იცნობს, აფასებს. ამას ისიც ემატება, რომ გუნდს, დიდი ალბათობით, ორიოლ რომეუ დატოვებს. “ბლაუგრანას” კაპიტანთან მოლაპარაკებებს განაახლებს.

Sport-ის ცნობით, სერჟი რობერტო “ბლაუგრანასთან” 1-წლიან კონტრაქტს გააფორმებს და კლუბში მე-12 სეზონს გაატარებს. ჟოან ლაპორტა და ხელმძღვანელობის სხვა წევრები მიიჩნევენ, რომ ის კვლავ გამოსადეგი ფეხბურთელია. ამასთან, ზაფხულში ტრანსფერების განხორციელება რთული იქნება და ასეთ ვითარებაში სერჟის გაშვება მართებული არაა. გარდა ამისა, რობერტო უნივერსალია და დაბალი ხელფასი აქვს.

კატალონიური პრესის თანახმად, ამ მიზეზებთან ერთად, ჟოან ლაპორტას სურს, რომ ბარსელონას ახალ “Spotify კამპ ნოუზე” “ლა მასიელმა” უკაპიტნოს.