ბარსელონამ ლა ლიგის 33-ე ტურში ვალენსია 4-2 დაამარცხა და სატურნირო ცხრილში მე-2 ადგილი დაიბრუნა.
ბარსა 22-ე წუთზე თავური დარტყმით ფერმინ ლოპესმა დააწინაურა. ამ გოლიდან 5 წუთში უგო დურომ მარკ-ანდრე ტერ შტეგენის უხეში შეცდომით ისარგებლა და ანგარიში გაათანაბრა, მალევე კი რონალდ არაუხოც შეცდა და “ბლაუგრანას” კარში თერთმეტმეტრიანი დაინიშნა, რომელიც პეპელუმ გოლად აქცია. სტუმრებისთვის ყველაფერი კარგად მიდიოდა, მაგრამ პირველი ტაიმის მიწურულს, საჯარიმოს გარეთ ხელით თამაში გამო გიორგი მამარდაშვილი მოედნიდან გააძევეს და ვალენსია 10 კაცით დარჩა.
მეორე ნახევრის სტარტზე, ილქაი გიუნდოგანის მიერ მოწოდებული კუთხურით შემდეგ რობერტ ლევანდოვსკიმ თავით წონასწორობა აღადგინა, 82-ე წუთზე კი დუბლი შეასრულა და ბარსელონა წინ გაიყვანა. კომპენსირებულ დროში პოლონელმა ჯარიმაც გაიტანა, ჰეთ-თრიქი შეასრულა და საბოლოო ანგარიში, 4-2 დააფიქსირა.
ლევანდოვსკისთვის ეს ბარსაში პირველი საჯარიმო გოლია. ამასთან, რობერტი, სამუელ ეტო’ოს (2005) შემდეგ, ბარსელონას პირველი ფეხბურთელია, რომელმაც ლა ლიგის ერთ მატჩში თავით 2 გოლი გაიტანა. ასევე, აღსანიშნავია, რომ მას ლა ლიგაში 16 გოლი დაუგროვდა და ბომბარდირთა დავაში მე-4 ადგილზე გადავიდა. მის წინ ჯუდ ბელინგემი (17), ალექსანდრ სორლოტი (17) და არტიომ დოვბიკი (19) არიან.
ამჟამად ბარსელონას 73 ქულა აქვს და მეორე ადგილზეა, რეალ მადრიდის ანგარიშზე კი 84 ქულაა.
ბარსა ლა ლიგაში მომდევნო მატჩს 4 მაისს გამართავს და სტუმრად ჟირონას დაუპირისპირდება.
ხო ბაიერნმა, იმდენჯერ დაპატიჟეს თავისთან რო მგონი გონებით იქაა უკვე.
არაუხო დაწყევლა ვინმემ ? ორ თამაშში ზედიზედ ასე რო ცდება ?