ჟოან ლაპორტა: ვიმედოვნებ, ჩავი გუნდში დარჩება

ძალიან მინდა, რომ ჩავიმ აზრი შეიცვალოს და “ბარსელონას” მწვრთნელის პოსტზე დარჩეს.

ჩავიზე ზეწოლას არ მოვახდენ. მან ჩემი სურვილის შესახებ იცის და ყველაფერი მასზეა დამოკიდებული. ჩავი დაჟინებით იმეორებს, რომ გადაწყვეტილებას არ შეცვლის, მაგრამ ვნახოთ, რა მოხდება სეზონის ბოლოს.

პინი ზაჰავი ჰანსი ფლიკის გვთავაზობს? ჰანსისთან და ჟორჟე მენდეშთან ვმეგობრობ, მაგრამ მათ ვეუბნები, რომ სეზონის ბოლომდე ჩავისთან ერთად ვიქნებით და მის საბოლოო გადაწყვეტილებას დაველოდებით.

ლუის ენრიკე ძალიან მომწონს, ის კარგი მწვრთნელია, მაგრამ მასთან ან სხვა მწვრთნელთან ჯერ არ გვისაუბრია, რადგან ჩავის პატივს ვცემთ.

კუბარსის ყურება ძალიან მომწონს, მას საოცარი ინდივიდუალურობა აქვს. ის დაუჯერებელი მოთამაშეა.

ჩავიმ მითხრა, რომ როდესაც “ბარსაში” დებიუტი ჰქონდა, ნერვიულობდა. პაუ კი უბრალოდ მშვიდი და ბედნიერია. ასეთი ტალანტების ყოლა შესანიშნავია.