დღეს “ბარსელონას” ყოფილი მთავარი მწვრთნელი, ტერი ვენეიბლზი 80 წლის ასაკში გარდაიცვალა, იტყობინება Sky Sports.
ინგლისელი სპეციალისტი ხანგრძლივად ავადმყოფობდა. კატალონიურ კლუბს ის 1984-1987 წლებში წვრთნიდა. 1985-86 წლების სეზონში “ბარსელონა” მისი მწვრთნელობით უეფას ჩემპიონთა თასის ფინალში მეორეჯერ გავიდა, თუმცა, სამწუხაროდ, “ლურჯ-ბროწეულისფერები” “სტიაუა ბუქარესტთან” პენალტების სერიაში 0-2 დამარცხდნენ.
1984-85 წლების სეზონში კი “ბარსამ” ლა ლიგა მოიგო, ხოლო 1986 წელს ლა ლიგის თასი, რომელიც 1982 წელს დაარსდა და 1986 წელსვე გაუქმდა. მის დროს “ბარსელონაში” ისეთი ლეგენდები თამაშობდნენ, როგორებიც არიან ბერნდ შუსტერი და მიგელი. ასევე, კატალონიური კლუბის მაისურს მარკოს ალონსოც იცავდა, რომელიც “ბარსაში” ამჟამად მოთამაშე მარკოს ალონსოს მამა გახლავთ.
ცხონდეს, ცხონდეს!
გარდაცვალების, ტრავმის და ზეგ მსაჯი თუ ვინ იქნება, ამის გარდა, ნუთუ არაფერი ხდება ბარსას გარშემო?!
ნათელში ამყოფოს ღმერთმა.