დღეს ჩემპიონთა ლიგის წილისყრაა

დღეს თბილისი დროით 20:00 საათზე ჩემპიონთა ლიგის ჯგუფური ეტაპის წილისყრაა.

თუ წინა წლებში ამას დიდ მნიშვნელობას არ ვაქცევდით, ბოლო ორი სეზონის გათვალისწინებით მნიშვნელოვანია, თუ ვინ მოხვდება “ბარსელონასთან” ერთად ჯგუფში.

ჯგუფური ეტაპის წილისყრის წინ გუნდები კალათებში ასე არიან განაწილებულნი:

• პირველი კალათა: მანჩესტერ სიტი, სევილია, ბარსელონა, ნაპოლი, ბაიერნი, პსჟ, ბენფიკა, ფეიენორდი;
• მეორე კალათა: რეალ მადრიდი, მანჩესტერ იუნაიტედი, ინტერი, დორტმუნდი, ატლეტიკო, ლაიფციგი, პორტუ, არსენალი;
• მესამე კალათა: შახტარი, ზალცბურგი, მილანი, ბრაგა, პსვ, ლაციო, რედ სტარი, კოპენჰაგენი;
• მეოთხე კალათა: იანგ ბოიზი, რეალ სოსიედადი, გალათასარაი, სელტიკი, ნიუკასლი, უნიონ ბერლინი, ანტვერპი, ლანსი.

ჯგუფში თითო კალათიდან თითო გუნდი მოხვდება. “ბარსელონასთან” ერთად ჯგუფში ვერ მოხვდებიან პირველი კალათის გუნდები (მანჩესტერ სიტი, სევილია, ნაპოლი, ბაიერნი, პსჟ, ბენფიკა, ფეიენორდი), ასევე სხვა კალათების ესპანური გუნდები (რეალ მადრიდი, რეალ სოსიედადი). ერთ ჯგუფში ვერც სხვა ქვეყნის ორი წარმომადგენელი მოხვდება, რაც იმას ნიშნავს, რომ “ბარსელონასთან” გუნდში ერთად ვერ იქნებიან, მაგალითად, “მანჩესტერ იუნაიტედი” და “ნიუკასლი”, ან “ინტერი” და “მილანი”.

წილისყრის პირდაპირ ეთერში ყურება სილქ უნივერსალსა და სეტანტა სპორტს 1-ზე იქნება შესაძლებელი.