ბოლო დღეებში გავრცელდა ინფორმაცია, თითქოს მარკოს ალონსოსა და ერიკ გარსიას “ბარსელონადან” წასვლის საკითხი განიხილებოდა, მაგრამ Mundo Deportivo-ს ცნობით ორივე ესპანელი მცველი კლუბში დარჩება.
კატალონიური გამოცემის ჟურნალისტის, გაბრიელ სანსის ცნობით ჩავი ერნანდესმა კლუბის სპორტულ დირექტორს, დეკუს აცნობა, რომ კლემან ლანგლეს გაყიდვისა და ჟოაუ კანსელუს დამატების შემდეგ გუნდის დაცვა დაკომპლექტებული იქნება.
წყაროს ცნობით “ბარსელონა” აღარ განიხილავს მარკოს ალონსოს გაყიდვას, რომელიც გუნდმა ლა ლიგაში რამდენიმე საათის წინ დაარეგისტრირა.
ერიკ გარსიას დამატებით “ჟირონაა” დაინტერესებული, მაგრამ ეს ტრანსფერი ვერ შედგება. ფეხბურთელს წასვლა არ სურს, “ბარსელონა” კი მისი იჯარით გაშვებით ძალიან მცირე სარგებელს ნახავს და კლუბს ურჩევნია, ფეხბურთელი შეინარჩუნოს.
რამდენიმე დღის წინ ჩავი გარსიას ესაუბრა და განუცხადა, რომ მასზე იმედებს ამყარებს. თუ “ბარსა” ძალიან მიმზიდველ შეთავაზებას არ მიიღებს, რაც ნაკლებად სავარაუდოა, ერიკ გარსიას გუნდიდან გაშვება არ განიხილება.
გარსიას გაშვება არ ღირს მინიმუმ 15-20 მილიონი თუ არ გადაიხადა ვინმემ. ხელფასი მაგას არ აქვს და სათამაშო დროზეც არ წუწუნებს. ალონსო კიდე ბალდეს ერთადერთი შემცვლელია და იყოს გუნდში.
ეგრე რა თქვე დალოცვილებო ძლივს არ ამოვისუნთქე??? აწი რაღა მომკლავს მშვიდად ვიქნები
ხო არ გაუშვას, მაგას ჩავი როგორც მახსოვს ცენტრში თამაშს დაპირდა ოღონდ ვერ ვიგონებ რამდენი თამაში ჩაატარა ამ ადგილზე.
რჩებიან თორე ეხვეწებოდნენ სხვადასხვა გუნდები 😀
მალადეც, მაინც ფრთხილად იყავით ქვევიდან არ გაგივარდეთ🤮
გარსიას მაინც ვერ შეინარჩუნებენ, ნადირობაა გამოცხადებული გრანდების მხრიდან 😁😁
ორივე მზით გაცვითეთ ნელა იყავით არ აგვახიონ🤣