ალვარო მორატას ტრანსფერი რთული იქნება

ალვარო მორატას ტრანსფერი რთული იქნება

ალვარო მორატას "ბარსელონაში" ტრანსფერი არც ისე მარტივი ოპერაციაა, როგორც ბოლო დღეებში იწერება.

ჟერარ რომეროს ინფორმაციით, 29 წლის თავდამსხმელთან დაკავშირებით სიტუაცია გართულდა. "იუვენტუსი" ესპანელს წასვლის საშუალებას არ აძლევს, მადრიდის "ატლეტიკოს" კი მისი იჯარით გაშვება არ სურს და კატალონიურ კლუბს რთულ პირობებს უყენებს.

კიდევ ერთი სანდო ჟურნალისტი, მატეო მორეტო იტყობინება, რომ "ბარსელონასა" და "როხიბლანკოს" შორის არანაირი შეთანხმება არ არსებობს. იტალიელის ინფორმაციით, "ბარსასთვის" პრობლემას სახელფასო ლიმიტიც წარმოადგენს.

გავრცელებული ცნობებით, იქიდან გამომდინარე, რომ დუშან ვლაჰოვიჩი, ფაქტობრივად, "იუვენტუსის" ფეხბურთელია, მორატას "ბლაუგრანაში" ტრანსფერს ხელს არაფერი შეუშლიდა, თუმცა, როგორც ზემოთ აღინიშნა, საქმე არც ისე იოლადაა. 

საინტერესოა, რომ დღეს ალვარო მადრიდის ერთ-ერთ სასტუმროში შენიშნეს, სადაც აგენტთან ერთად საკუთარ მომავალს განიხილავდა. როგორც ცნობილია, ესპანელ ცხრიანს ლურჯ-ბროწეულისფერი მაისურის მორგება სურს.

განახლება: ელენა კონდისის ცნობით, ალვარო მორატას "ბარსელონაში" ტრანსფერისთვის სამი პირობა უნდა შესრულდეს:

  1. დუშან ვლაჰოვიჩი "იუვენტუსში" გადავიდეს;
  2. "ბარსამ" სახელფასო ხარჯები შეამციროს;
  3. "ბარსელონა" და "ატლეტიკო" შეთანხმდნენ.

განახლება: ელენა კონდისი წერს, რომ მორატა მადრიდს იმ განწყობით ტოვებს, რომ "ბარსაში" მისი გადასვა რთული იქნება. "ატლეტიკომ" მას განუცხადა, რომ მხოლოდ მუდმივ ტრანსფერს დათანხმდება, რაც კატალონიური კლუბისთვის წარმოუდგენლად ჩანს.

  • გაწევრიანდი "ბარსელონას" გულშემატკივრების Facebook ჯგუფში

    კომენტარები [ 5 ]

    ინფორმაცია
    ამ სიახლეზე კომენტარები გათიშულია.
    საიტის ლეგენდა  [?]
    #5 27 იანვარი 2022 16:47
    0
    საერთოდ გაწყვიტონ ურთიერთობა ამ ატლეტიკოსთან, სანამ პრეზიდენტი არ შეიცვლება. მაგასთან ლაპარაკი არ შეიძლება თუ თვითონ არ უნდა რამე.
    ფანი [?]
    #4 27 იანვარი 2022 01:26
    0
    გონებაჩლუნგმა ლაპორტამ გრიზმანი მიცა იჯარით და ისინი მორატასაც არ გვაძლევენ, დედამიწის ზურგზე მარტო ბარსაში იჩითებიან ასეთი ღლე მმართველები, სეზონის ბოლოს ნახმარ გრიზმანს მოგვიგდებენ უკან როგორც კოუტინიო..
    წევრი [?]
    #3 27 იანვარი 2022 00:17
    0
    უი რა ცუდია ;დდდდ ნწ ნწ
    Culé [?]
    #2 26 იანვარი 2022 22:13
    0
    არანაირი მორატააა,ფორვარდზე მეტად ვინგერი გვჭირდება ამ მომენტში და ზადხულში ჰოლანდი
    --------------------
    აიყვანე გუნდში საკუთარ პოზიციაზე საუკეთესო ფეხბურთელები და შენ მიიღებ არა საუკეთესო თერთმეტეულს, არამედ თერთმეტეულს საუკეთესოებით.
    საიტის ლეგენდა  [?]
    #1 26 იანვარი 2022 21:28
    0
    რატო გაგვაძლიერებს ატლეტიკო დებილები კი არ არიან
    --------------------
    91/92 05/06 08/09 10/11 14/15 to be continued