ხავი მარტინესი: ბარსელონასგან შემოთავაზება მქონდა

შემოთავაზებები “ბარსელონასგან,” “რეალისა” და ინგლისური კლუბებისგან მქონდა, მაგრამ “ბაიერნის” წინადადება, სპორტული კუთხით, უკეთესი იყო, ეკონომიკურად კი ამ შემოთავაზებებს შორის დიდი სხვაობა არ ყოფილა. ბარსას ბუსკეტსი ჰყავდა და ვიფიქრე: “აქ რა უნდა გავაკეთო?”

სოციალურ მედიაში ბუსკეტსის წინააღმდეგ კამპანია წამოიწყეს, რაც სისულელეა. თუ ესპანეთის ნაკრებსა და ბლაუგრანაში ბუსის ადგილი არ არის, მაშინ მის პოზიციაზე უკეთესი ფეხბურთელი არ არსებობს. ყველა გეტყვით, რომ სერხიო მანქანაა. ეროვნულ გუნდში ისეთი კონტროლით თამაში, როგორსაც “ფურია როხა” აჩვენებდა, გასაოცარი იყო. ბუსკეტსთან ერთად ყველა ვითარდება.

პიკე კაპიტანია, რომელიც ყველაფერს პირდაპირ გეუბნება. ის ყველაფერს კარგად აკეთებს, რადგან 2 ბურთი აქვს და სახეს გაჩვენებს.

დესტი შეტევაში ცუდი არ არის, თუმცა, დაცვით ასპექტში, ალბათ ასეა. ისიც უნდა ითქვას, რომ მას არ ჰყავდა მწვრთნელი, რომელიც პროგრესში დაეხმარებოდა. 1 წლით სერჟინიო დიეგო სიმეონესთან ამუშავეთ და შედეგსაც ნახავთ.

ნიკო შესანისნავი მოთამაშეა, რომელიც ყოველთვის კარგად მოქმედებს. როცა გონსალესი ფიზიკურ მდგომარეობას გააუმჯობესებს, ის კიდევ უფრო შთამბეჭდავი იქნება.

ფრენკი დე იონგის მიერ ბარსაში ჩატარებული სეზონები ისეთი არ ყოფილა, როგორსაც ელოდნენ. კარგი შემოთავაზების შემთხვევაში, მას გავყიდდი – ჩავის ნიდერლანდელის დახმარება შეუძლია, მაგრამ მას გავი, ნიკო და პედრი ჰყავს.