ალექს კოლიადო ბარსას 2.7 მილიონ ევროს უთმობს

ინფორმაცია ოფიციალურად დადასტურებული ჯერ არაა, მაგრამ ცნობილია, რომ ალექს კოლიადო “ბარსელონადან” “ბეტისში” უფასოდ გადადის.

ესპანელ შემტევს “ბლაუგრანასთან” კონტრაქტი კიდევ ერთი წლით აკავშირებს, მაგრამ კატალონიელებმა მაინც გადაწყვიტეს, მას გუნდის უფასოდ დატოვების უფლება მისცენ. მიზეზი ისაა, რომ ასე კატალონიელები 2.7 მილიონ ევროს დაზოგავენ.

Cadena SER-ის ცნობით კოლიადო თანახმაა, მომდევნო სეზონის ხელფასიდან და არსებული დავალიანებიდან “ბარსელონას” 2/3 დაუთმოს, რაც ჯამში 2.7 მილიონი ევრო გამოდის. 24 წლის ფეხბურთელის ეს საქციელი “ბარსას” სახელფასო ხარჯის გამოთავისუფლების საშუალებას მისცემს, რაც ახალწვეულების დარეგისტრირებაში წინგადადგმული ნაბიჯი იქნება.