ოფიციალურად: ბარსელონა გამპერის თასზე ტოტენჰემს დაუპირისპირდება

ორი დღის წინ გავრცელებული ინფორმაცია ცოტა ხნის წინ ოფიციალურად დადასტურდა – გამპერის თასზე “ბარსელონა” “ტოტენჰემს” დაუპირისპირდება.

თამაში 8 აგვისტოს, თბილისის დროით 22:00 საათზე დაიწყება და ეს “ლუის კომპანიზე” “ბარსელონას” პირველი თამაში იქება მასპინძლის სტატუსით. როგორც იცით, მომდევნო სეზონში “ბარსა” ამ სტადიონზე ითამაშებს.

ჟოან გამპერის თასი ყოველწლიური ტურნირია და ის “ბარსელონას” დამაარსებლის სახელს ატარებს. ტურნირი 1966 წლიდან იმართება და ის ყველაზე მეტჯერ, 45-ჯერ, რა თქმა უნდა, “ბარსელონას” აქვს მოგებული.

“ტოტენჰემი” გამპერის თასზე მეორედ ითამაშებს. პირველად ეს 1986 წელს მოხდა, როდესაც ტურნირი ოთხგუნდიანი იყო. მაშინ ლონდონელები მესამე ადგილზე გავიდნენ.