ბარსელონა 4 სამიზნე ზაფხულის სატრანსფერო ფანჯრისთვის

ხავი მიგელის ინფორმაციით, “ბარსელონას” მომავალი ზაფხულის სატრანსფერო ფანჯარაზე 4 მთავარი სამიზნე ეყოლება.

კატალონიურ კლუბს 4 პოზიციის გაძლიერება სურს: ჟოან ლაპორტას გუნდი ცენტრფორვარდის, საყრდენი ნახევარმცველის, ცაცია ცენტრალური მცველისა და მარჯვენა მცველის მოყვანას აპირებს. 

წყაროს ცნობით, “ბარსას” სამიზნეები ვიტორ როკე (“ატლეტიკო პარანაენსე”), მარტინ სუბიმენდი (“რეალ სოსიედადი”), ინიგო მარტინესი (“ბილბაო”) და ხუან ფოიტი (“ვილიარეალი”) იქნებიან. 

მიგელის თქმით, “ბარსელონა” ასევე ილქაი გიუნდოგანის, ემერიკ ლაპორტისა და ბერნარდუ სილვას სიტუაციას აკვირდება.