კვირას “ბარსელონა” ლა ლიგის მომდევნო შეხვედრას გამართავს. კატალონიური გუნდი 21-ე ტურის ცენტრალურ მატჩში “ვილიარეალს” სტუმრად დაუპირისპირდება.
რამდენიმე წუთის წინ ესპანეთის ფეხბურთის ფედერაციამ 21-ე ტურის თამაშების მსაჯები დაასახელა. “ვილიარეალისა” და “ბარსელონას” დაპირისპირებას ალეხანდრო ხოსე ერნანდეს ერნანდესი განსჯის.
ერნანდესი 40 წლისაა. მან მსაჯობა 2004 წელს დაიწყო. 2007 წელს ის ესპანეთის ჩემპიონატის მე-2 დივიზიონში დაწინაურდა, 2012 წლიდან კი ლა ლიგაში მსაჯობს.
კარიერის განმავლობაში ერნანდეს ერნანდესი თამაშში საშუალოდ 26.8 ჯარიმასა და 0.31 თერთმეტმეტრიანს ნიშნავს, ფეხბურთელებს კი 5.77 ყვითელ და 0.43 წითელ ბარათს უჩვენებს. ერნანდესის მიერ განსჯილი თამაშების 43%-ში მასპინძლები იგებენ, ხოლო 28%-ში – სტუმრები.
ალეხანდრო ხოსე ერნანდეს ერნანდესის სტატისტიკა “ვილიარეალისა” და “ბარსელონას” თამაშებში:
| ვილიარეალი | ბარსელონა | |
| თამაში | 24 | 32 |
| მოგება | 10 | 18 |
| ფრე | 9 | 11 |
| წაგება | 5 | 3 |
| მოგების % | 42% | 56% |
| სასარგებლოდ დანიშნული პენალტი | 1 | 9 |
| საწინააღმდეგოდ დანიშნული პენალტი | 4 | 2 |
| სასარგებლოდ ნაჩვენები წითელი | 1 | 9 |
| საწინააღმდეგოდ ნაჩვენები წითელი | 1 | 3 |
ესეც კაი მადრიდისტაა.