მარკოს ალონსო: ყოველთვის კულე ვიყავი

ოჯახში ყოველთვის “ბარსას” ფანები ვიყავით. კატალონიაში ყოფნით ბედნიერი ვარ და ვიმედოვნებ, აქ რამდენიმე წელი დავრჩები. 

“რეალ მადრიდში” გატარებული დრო? ცუდი პერიოდის შემდეგ მითხრეს, რომ წავსულიყავი. ჩემი მშობლები იცინოდნენ. საბოლოოდ, ეს ჩემი განვითარების საწყისი გამოდგა. იქ დიდი ხანი ვიყავი და გავიზარდე როგორც ადამიანი და როგორც პიროვნება.

ჩემი პირველი მოგონება როგორც კულე? პირველად “ბარსას” თამაში “ელ კლასიკოში” ვნახე. იღბლიანი აღმოვჩნდი და საშუალება მომეცა, მატჩის დასრულების შემდეგ გასახდელ ოთახში შევსულიყავი. თუ სწორად მახოსვს, ეს ინიესტას პირველი სეზონი იყო.

რა დროსაც არ უნდა გეკითხათ, ყოველთვის გეტყოდით, რომ ჩემი სურვილი, მამაჩემის მსგავსად, “ბარსელონაში” თამაში იყო. ალბათ, ეს სარისკო გადაწყვეტილება იყო, რადგან კომფორტის ზონა დავტოვე, მაგრამ გუნდს დიდებული პროექტი აქვს.

დიდი ხნის გასვლის შემდეგ, კარიერის ბოლოს კვლავ ლა ლიგაში თამაში ძალიან მინდოდა.

ძალიან ბედნიერი ვარ, რომ აქ ვიმყოფები. პროექტი შესანიშნავია, რაც მოტივაციას მაძლევს. ჩემს მომავალზე დასაფიქრებლად დრო იქნება, ახლა კი მხოლოდ თამაშზე ვარ ფოკუსირებული. 

მშვიდად ვიყავი, რადგან “ჩელსიში” კარგად ვასპარეზობდი – იქ არაერთი წელი გავატარე და შესანიშნავად მექცეოდნენ. “ბარსაში” გადმოსვლა ძალიან მინდოდა, მაგრამ სიმშვიდეს ვინარჩუნებდი და “ჩელსისთან” ერთად პრესეზონზე ვემზადებოდი.

ზუსტად არ მახსოვს, ჩავიმ როდის დამირეკა. ეს ზაფხულში მოხდა 

ბალდე შესანიშნავი შესაძლებლობებისა და პოტენციალის მქონე ახალგაზრდაა.

გასახდელ ოთახში ძალიან კარგი ატმოსფერო სუფევს. რა თქმა უნდა, უფრო ახლოს იმათთან ვარ, რომლებსაც ნაკრებიდან უკვე ვიცნობდი – ერთ-ერთი მათგანი ჟორდი ალბაა. ის გასახდელში კაპიტნის როლს ასრულებს და პირველ დღეებში ძალიან დამეხმარა.

ლეო მესის დაბრუნება “ბარსაში”? მარადონასთან ერთად, მესი ყველა დროის საუკეთესო ფეხბურთელია… გუნდში მის ყოლას ვინ არ ისურვებდა? ყველა მოხარული იქნება.

დავარტყამ თუ არა ჯარიმებს? ვარჯიშებზე ამას ვაკეთებ და ვიმედოვნებ, მალე შანსი მატჩებშიც მომეცემა.