ერთი დღე “ბარსას” ისტორიაში – 3 სექტემბერი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 3 სექტემბერს მოხდა.

თამაშები

3 სექტემბერს “ბარსელონამ” 9 ოფიციალური თამაში ჩაატარა, საიდანაც კატალონიელებმა 7 მოიგეს და 2 ფრედ დაასრულეს.

1934 წელი

დაიბადა “ბარსელონას” ყოფილი ფრანგი ნახევარმცველი და მწვრთნელი ლუსიენ მიულერი. 1965-68 წლებში მან “ბლაუგრანას” მაისურით 80 თამაში ჩაატარა და 3 გოლი გაიტანა. კატალონიურ გუნდში თამაშის დროს მიულერმა 1 ბაზრობათა თასი (ამჟამინდელი ევროპა ლიგა) და 1 ესპანეთის თასი მოიგო. 1978/79 წლების სეზონში ის “ბარსას” მთავარი მწვრთნელი იყო.

1959 წელი

“ბარსელონამ” ჩემპიონთა თასზე (ამჟამინდელი ჩემპიონთა ლიგა) ისტორიაში პირველი თამაში ჩაატარა. 1/16 ფინალის პირველ მატჩში კატალონიელები სოფიის ცსკა-ს სტუმრად დაუზავდნენ, 2-2.

1972 წელი

“კამპ ნოუს” გამომცხადებელმა, მანელ ვიშმა კატალონიურ ენაზე პირველი განცხადება გააკეთა: “დაიკარგა ბავშვი, რომელიც დიდი ტრიბუნის შესასვლელთან იცდის”. ამან ფაშისტური რეჟიმის წარმომადგენლის, ტომას გარიკანო გონის განრისხება გამოიწვია და მან მომხდარის ახსნა-განმარტება მოითხოვა.

1988 წელი

“ბარსელონას” მთავარი მწვრთნელის პოსტზე იოჰან კრუიფის ოფიციალური დებიუტი შედგა. ლა ლიგის პირველ ტურში მისმა გუნდმა “ესპანიოლი” 2-0 დაამარცხა. გოლები რობერტ ფერნანდესმა და დებიუტანტმა ჩიკი ბეგირისტაინმა გაიტანეს.

2003 წელი

რონალდინიომ “ბარსელონას” მაისურით სადებიუტო გოლი გაიტანა. ეს “კამპ ნოუზე” გამართულ პირველივე შეხვედრაში მოხდა, როდესაც კატალონიელებმა “სევილიასთან” 1-1 ითამაშეს.

ამ მატჩში “ბარსელონას” მაისურით რაფა მარკესის ოფიციალური დებიუტი შედგა.

2008 წელი

80 წლის ასაკში გარდაიცვალა “ბარსელონას” ლეგენდარული მცველი ჟოან სეგარა.