ქალთა გუნდმა მოგებით დაიწყო

დღეს “ბარსელონას” ქალთა გუნდმა სეზონის პირველი შეხვედრა გამართა.

წლევანდელი “ბარსა” საკმაოდ გადახალისებულია, რაც სასტარტო შემადგენლობაზეც აისახა – თერთმეტეულში 4 ახალწვეული იყო, მათ შორის 16 დღისა და 49 დღის ვიკი ლოპესი, რომელიც გუნდის ისტორიაში ყველაზე ახალგაზრდა ფეხბურთელი გახდა.

თამაშის ხარისხი ძალიან ცუდი იყო, განსაკუთრებით პირველ ტაიმში. შესვენების შემდეგ ცოტათი კი მოვუმატეთ, მაგრამ ანგარიშის გასახსნელად მაინც კურიოზული გოლი დაგვჭირდა. მე-60 წუთზე სტუმარი მცველის მოგერიებული ბურთი “ბარსას” ახალწვეულს, ჟეიზეს მოხვდა და გოლი გავიდა.

გოლის შემდეგ ჩვენ თამაშს ვუმატეთ, მეტოქემ უკლო და მეორე გოლიც მალე ვიხილეთ. 68-ე წუთზე გუნდის ერთ-ერთმა ლიდერმა, კაროლინ ჰანსენმა შესანიშნავი გოლი გაიტანა.

ბარსელონა-ტენერიფე 2-0

ბარსელონა (4-3-3): პანიოსი, ბრონზი, პარედესი, მაპი ლეონი, როლფო, გიხარო (კალდენტეი 11), ლოპესი (ოშოალა 62), უოლში (ენგენი 72), ჰანსენი (რაბანო 72), ჟეიზე, ჩრნოგორჩევიჩი (ტორეხონი 62)

გოლები: 1-0 ჟეიზე 60, 2-0 ჰანსენი 68