ერთი დღე "ბარსას" ისტორიაში - 12 აგვისტო

წარმოგიდგენთ რუბრიკას "ერთი დღე "ბარსელონას" ისტორიაში". ამჯერად შემოგთავაზებთ "ბარსელონასთან "დაკავშირებულ მოვლენებს, რომლებიც 12 აგვისტოს მოხდა.

თამაშები

12 აგვისტოს "ბარსელონამ" 1 ოფიციალური თამაში ჩაატარა, რომელიც მოიგო.

1964 წელი

დაიბადა "ბარსელონას" ყოფილი თავდამსხმელი ჩიკი ბეგირისტაინი. 1988-1995 წლებში მან "ბლაუგრანას" მაისურით 317 თამაში ჩაატარა და 82 გოლი გაიტანა. ბეგირისტაინმა კატალონიურ გუნდში 4 ესპანეთის ჩემპიონატი, 3 ესპანეთის სუპერ თასი, 1 თასების მფლობელთა თასი, 2 ესპანეთის თასი, 1 ჩემპიონთა ლიგა და 1 ევროპის სუპერ თასი მოიგო.

2003-2010 წლებში ჩიკი ბეგირისტაინი "ბარსელონას" სპორტული დირექტორი იყო.

1996 წელი

დაიბადა "ბარსელონას" ყოფილი ბრაზილიელი ნახევარმცველი არტური. 2018-2020 წლებში მან "ბლაუგრანას" მაისურით 72 თამაში ჩაატარა და 4 გოლი გაიტანა. არტურმა კატალონიურ გუნდში 1 ესპანეთის ჩემპიონატი და 1 ესპანეთის თასი მოიგო.

2018 წელი

ესპანეთის სუპერ თასი ერთ მატჩად, მაროკოში ჩატარდა. "ბარსელონამ" "სევილია" პიკესა და დემბელეს გოლებით 2-1 დაამარცხა.

ეს მესისთვის, როგორც "ბარსელონას" კაპიტნისთვის, პირველი ტიტული იყო.