დღეს ჩემპიონთა ლიგაზე ბარსელონას მეტოქეები გაირკვევა

დღეს ჩემპიონთა ლიგის ჯგუფური ეტაპის წილისყრაა. ცერემონიაზე, რომელიც 20:00 საათზე დაიწყება, ამ ტურნირზე “ბარსელონას” პირველი 3 მეტოქე გაირკვევა.

ვინაიდან “ბარსამ” წინა სეზონში ვერც ევროტურნირი მოიგო და ვერც ესპანეთის ჩემპიონატი, კატალონიური გუნდი პირველ კალათში ვერ მოხვდა. “ბლაუგრანასთან” ერთად მეორე კალათში იმყოფებიან “ლივერპული”, “ჩელსი”, “იუვენტუსი”, “ატლეტიკო”, “სევილია”, “ლაიფციგი” და “ტოტენჰემი”. “ბარსელონა” ამ გუნდებთან ერთად ჯგუფში ვერ მოხვდება. ჩავის გუნდის მეტოქე ასევე ვერ იქნება ესპანური “რეალი”.

“ბარსელონას” სავარაუდო მეტოქეები:

• პირველი კალათა: აინტრახტი, მანჩესტერ სიტი, მილანი, ბაიერნი, პსჟ, პორტუ, აიაქსი;
• მესამე კალათა: დორტმუნდი, ლაიფციგი, შახტარი, ინტერი, ნაპოლი, ბენფიკა, სპორტინგი, ლევერკუზენი.
• მეოთხე კალათა: მარსელი, ბრიუგე, სელტიკი, პლზენი, მაკაბი ჰაიფა, რეინჯერსი, კოპენჰაგენი, დინამო ზაგრები.

თითო კალათიდან “ბარსელონას” ჯგუფში თითო გუნდი მოხვდება. ერთი ქვეყნიდან ერთ ჯგუფში 2 გუნდი ვერ მოხვდება. მაგალითად ბარსელონასთან ერთად “მილანი” და “ნაპოლი”, ან “ბაიერნი” და “დორტმუნდი” ვერ მოხვდებიან.

ყველაზე რთული ჯგუფი, ალბათ, ასეთი იქნება: “სიტი” ან “ბაიერნი”, “ბარსელონა”, “ნაპოლი”, “მარსელი”. ყველაზე სუსტი კი “აიაქსი”, “ბარსელონა”, “ლევერკუზენი”, “მაკაბი”.

აქვე უნდა ითქვას, რომ არის შანსი, “ბარსელონას” ჯგუფში 2 ქართველი მოხვდეს – ხვიჩა კვარაცხელია (ნაპოლი) და დავით ხოჭოლავა (კოპენჰაგენი).

ჯგუფური ეტაპის წილისყრის პირდაპირ რეპორტაჟს სილქ უნივერსალი და სეტანტა ჯორჯია 1 გვთავაზობს.