მემფის დეპაის სანაცვლოდ იუვენტუსი მირალემ პიანიჩის ბონუსებს თმობს

მემფის დეპაი “იუვენტუსს” უფრო და უფრო უახლოვდება, მაგრამ მხარეებს შორის საბოლოო შეთანხმება ჯერ არ შემდგარა. ამის ერთ-ერთი მიზეზი ისაა, რომ არც “იუვენტუსი” და არც დეპაი “ბარსასთან” არ არიან შეთანხმებულები.

ცნობილია, რომ “ბარსელონას” უნდა, დეპაიში მცირე თანხა მაინც აიღოს, თავად ნიდერლანდელი კი კონტრაქტის გაწყვეტის სანაცვლოდ კომპენსაციას ითხოვს.

ცნობილი ჟურნალისტი ჯანლუკა დი მარციო ტრანსფერის შესახებ ახალ ინფორმაციას ავრცელებს. იტალიელი ჟურნალისტის ცნობით “ბარსელონა” და “იუვენტუსი” შეთანხმებასთან ახლოს არიან, ეს შეთანხმება კი დეპაის “იუვეში” უფასოდ გადასვლას, ხოლო ტურინელთა მხრიდან მირალემ პიანიჩის ბონუსების ნაწილის დათმობას ითვალისწინებს.

როდესაც პიანიჩი “ბარსელონაში” გადმოვიდა, როგორც უმეტეს შემთხვევაში ხდება ხოლმე, გარიგებას თან ახლდა ბონუსების სისტემაც, რომლის ერთ-ერთი ნაწილიც ჩატარებულ თამაშებზე დამოკიდებული ბონუსებია. დი მარციოს ცნობით დეპაის სანაცვლოდ “ბარსელონა” ამ ბონუსების გაუქმებას მიიღებს და კატალონიურ კლუბს ტურინელებისთვის თანხის გადახდა აღარ მოუწევთ, რამდენი თამაშიც არ უნდა ჩაატაროს ბოსნიელმა “ბლაუგრანას” მაისურით.