“ბარსელონა” სერჟიო ბუსკეტსთან ხელფასის შემცირებასა და გადავადებასთან დაკავშირებით მოლაპარაკებებს განაგრძობს, რათა კლუბმა ლა ლიგაში ფეხბურთელების დარეგისტრირება შეძლოს. კაპიტანი მზადაა, “ბარსას” დაეხმაროს, ამჟამად მხარეები ფორმულას ეძებენ.
თავდაპირველად “ბლაუგრანას” ბუსკეტსისთვის კონტრაქტის 1 წლით გახანგრძლივება სურდა, თუმცა თუ 34 წლის ფეხბურთელი 2023 წელს წასვლას გადაწყვეტდა, ეს პრობლემას გამოიწვევდა, ამიტომ აღნიშნული ვარიანტი გამოირიცხა.
Mundo Deportivo-ს ჟურნალისტის, ფერან მარტინესის ინფორმაციით, “ბარსელონამ” ბუსკეტსს 2-წლიანი კონტრაქტი შესთავაზა, რომელიც ცხადია, ხელფასის შემცირებასა და გადავადებას ითვალისწინებს. წყაროს თანახმად, კაპიტანს გადაწყვეტილების მისაღებად 48 საათი აქვს.
როგორც დაიწერა, ესპანელ ნახევარმცველს ახალი ხელშეკრულების გაფორმება არ სურს, ვინაიდან ის სეზონის ბოლოს კარიერის MLS-ში გაგრძელებას აპირებს, თუმცა ბუსკეტსი “ბარსას” დახმარების სურვილს გამოთქვამს, ამიტომ მოსალოდნელია, რომ ის კლუბისთვის სასარგებლო გადაწყვეტილებას მიიღებს.
იცის, რომ როზე უნდა წავიდეს;
ვერც ვერავინ დაადანაშაულებს კლუბს, რომ კიდევ შეძლო თამაში და ძაღლივით გააგდესო
თვითონ იცის რომ აღარ შეეძლება და ჯობია წავიდეს მომავალ წელს, უდიდესი ლეგენდაა❤
Ეს წელი რომ ბოლო იყოს ყველასთვის კაი იქნება❤️
ამ გადავადებებმა დაადო ერთიანად დიდი ვალი გუნდს და კიდე გადავადება უნამუსობაა, ამ ასაკში ასეთი ლეგენდა თავისით უნდა ხვდებოდეს და რაღაც დათმოს უნდა
გაახანგრძლივოს 2 წლით. გაისად მესი თუ დააბრუნა ლაპორტამ მერე ეს, მესი და სუარესი ერთად დააწვნენ მლს-ში. თუ უნდათ პიკეც და ალბაც გაიყოლონ.
ძალათ დატოვებაც არ გამოდის, ისე თუ სეზონის ნახევარს ითამაშებს ისიც კაი იქნება, თან ახალგაზრდებსაც დაეხმარება თავისი გამოცდილებით.