RAC1-ის ცნობით, “ბარსას” მომავალი ფეხბურთელი, რაფინია ბარსელონაში ხვალ ჩამოვა და სამედიცინო შემოწმებას გაივლის.
ამავე წყაროს თანახმად, ბრაზილიელი ფეხბურთელი “ბარსელონას” ამერიკაში გაჰყვება და სეზონისთვის მზადებას გუნდთან ერთად დაიწყებს.
როგორც Mundo Deportivo იტყობინება, კატალონიური კლუბი მის სანაცვლოდ “ლიდს იუნაიტედს” 58 მილიონს ევროს + 7 მილიონს გადაუხდის.
ჟერარ რომეროს მტკიცებით, რაფინიას ტრანსფერი ხვალვე გაოფიციალურდება, რობერტ ლევანდოვსკი კი “ბარსელონას” ფეხბურთელი ოფიციალურად პარასკევს გახდება.
ჟოან ლაპორტას სურს, ორივე მათგანი აშშ-ში გუნდთან ერთად იყოს, რადგან ეს მარკეტინგული კუთხითაც მნიშვნელოვანია – ლევანდოვსკის ლურჯ-ბროწეულისფერი მაისურით ხილვა ყველასთვის სიგნალი იქნება, რომ “ბარსელონა” დაბრუნდა.
მეორე ბერკეტის გააქტიურებამდე ფეხბურთელების მოყვანა შესაძლებელია. პრობლემას მხოლოდ ის ქმნის, რომ კლუბი მათ დარეგისტრირებას ვერ შეძლებს, მაგრამ ახალწვეულები ამხანაგურ მატჩებში თამაშს უპრობლემოდ მოახერხებენ.
გინდა ხვ ჩამოდი და გინდა ზეგ ან ვაბშე სულ არ ჩამოხვიდე გეხვეწები
მოკლედ ლევანა, რაფინია, კუნდე, გრიმალდო ეს ტრანსფერები აუცილებელია, მერე კი ბერნანდუზე თუ დაჩალიჩდნენ ვნახოთ, თუარადა სოლერი მაინც მოიყვანონ
თავიდან სკეპტოკურად ვიყავი განწყობილი,მარა დემბელეს 10 თავით ჯობია.თამაშს თუ დააკვირდებით გააზრებულად აკეთებს ყველაფერს და არა იმ უთავო ქათამივით.ვისაც ჰგონია,რომ დემბელე ამას ჯობია ფეხბურთის აზრზე არაა.
მშვენიერია ძაან მჯერა ამ ბიჭის