ბარსელონამ ესპანეთის ჩემპიონატის საუკეთესო ბომბარდირი დაიმატა

“ბარსელონას” ქალთა გუნდი გაძლიერებას განაგრძობს.

FIFA-ს ვერსიით 2020 წლის საუკეთესო ქალი ფეხბურთელი ლუსი ბრონზი “ბლაუგრანას” მოთამაშე გუშინ გახდა. დღეს კი შეტევის გაძლიერების დროა.

რამდენიმე წუთის წინ “ბარსელონამ” 24 წლის ბრაზილიელი თავდამსხმელის, ჟეიზის ტრანსფერი დაადასტურა.

ჟეიზი ფერეირა აქამდე “მადრიდში” თამაშობდა. ესპანეთის ჩემპიონატის გასულ გათამაშებაში მან 20 გოლი გაიტანა, რაც “ბარსელონელ” აზიზატ ოშოალასთან ერთად საუკეთესო შედეგი იყო. მის ანგარიშზე გუნდის გოლების თითქმის 50% მოდიოდა. “მადრიდმა” მხოლოდ 42 გოლი გაიტანა და სწორედ ჟეიზის დამსახურებაა, რომ უმაღლეს ლიგაში დარჩენა მოახერხა.

ჟეიზი “ბარსელონას” ქალთა გუნდის უკვე მე-4 შენაძენია. მომდევნო სეზონისთვის კატალონიელებმა უკვე დაიმატეს ლაია კოდინა, ნურია რაბანო და ლუსი ბრონზი.