ბარსელონა – ლიდერი თავურ გოლებში

“ლევანტესთან” გუშინ გამართულ დაძაბულ შეხვედრაში “ბარსელონამ” თავური დარტყმით 2 გოლი გაიტანა (ობამეიანგი და ლუკ დე იონგი), რისი წყალობითაც “ბარსამ” თავურ გოლებში ევროპის მასშტაბით საუკეთესო შედეგი დააფიქსირა.

ლა ლიგის მიმდინარე გათამაშებაში “ბლაუგრანას” უკვე 15 თავური გოლი დაუგროვდა: ლუკ დე იონგი – 5, არაუხო – 3, ობამეიანგი – 2, დეპაი – 1, გავი – 1, ბრეითუეიტი – 1, პიკე – 1, ჟუტგლა – 1.

ესპანეთში ასეთი შედეგი არავის აქვს და უახლოესი მდევარი “ბარსას” დიდი სხვაობით ჩამორჩება – “ატლეტიკოს” თავური დარტყმით 9 გოლი აქვს გატანილი. შემდეგ მოდიან “ვალენსია”, “ოსასუნა”, “ბილბაო” და “ბეტისი” 8-8 გოლით.

ევროპაში “ბარსელონას” მსგავსი შედეგი აქვთ “რენსა” და “ინტერს”. მე-2 საუკეთესო შედეგს აფიქსირებენ გერმანული გუნდები, “ფრაიბურგი” და “კიოლნი” – 14-14 გოლი. “ლივერპულiს”, “ლაციოს”, პსჟ-ს, “აიაქსის”, “სივასპორის”, “ანტვერპის”, “სერკლ ბრიუგესა” და “ზულტე ვარეგემის” ფეხბურთელების აქტივში კი 12-12 თავური გოლია.

ამ კომპონენტში ლიდერებს შორის “ბარსელონას” ხილვა ნამდვილად უცნაური და გასაკვირი ამბავია.