ქალების თამაშის ბილეთები ისევ ძალიან სწრაფად იყიდება

ქალების ჩემპიონთა ლიგის 1/2 ფინალის პირველ მატჩში “ბარსელონასა” და “ვოლფსბურგს” შორის გასამართი დაპირისპირებისთვის ბილეთის შოვნა დიდი პრობლემაა.

გუშინ ოფიციალურად დადასტურდა, რომ თამაში “კამპ ნოუზე” ჩატარდება კლუბის წევრებს ბილეთების დაჯავშნის უფლებაც მიეცათ. პირველივე დღეს 50 ათასი ბილეთი დაიჯავშნა, დღეს დილით კი ბილეთების ღია გაყიდვა დაიწყო.

TV3-ის ინფორმაციით ბილეთების გაყიდვის დაწყებიდან რამდენიმე წუთში შეძენის დაახლოებით 130 ათასი მსურველი დაფიქსირდა, ბილეთი კი 50 ათასზე ნაკლებია. ამჟამად ბილეთების გაყიდვიდან 3 საათიც კი არაა გასული, მაგრამ ჩანს, რომ ოფიციალურ საიტზე შეძენის სურვილი უკვე 150 ათასზე მეტმა ადამიანმა დააფიქსირა, ამას ემატება “კამპ ნოუს” სალაროებში გაყიდული ბილეთები.

ოფიციალური ინფორმაცია, არის თუ არა გასაყიდი ბილეთები დარჩენილი, ჯერჯერობით არ გავრცელებულა.