დღევანდელი დღე იმ ამბის მოყოლით უნდა დაგვეწყო, თუ როგორ მოიგო პირველმა “ბარსელონელმა” 2026 წლის მსოფლიოს ჩემპიონატზე თამაში. თუმცა შემდეგ მესიმ შეგვახსენა, რომ არსებობს.

“ბარსელონას” ლეგენდა, ყველა დროის საუკეთესო ფეხბურთელი ცოტა ხნის წინ ალჟირთან დასრულებულ შეხვედრაში ის ერთადერთი მოთამაშე იყო, რომელსაც გოლები გაჰქონდა. ლეომ ჰეთ თრიქი შეასრულა, რაც მსოფლიო ჩემპიონატის მატჩში მისთვის სიახლე იყო. მთავარი კი ისაა, რომ მესი მუნდიალების ისტორიაში საუკეთესო ბომბარდირი გახდა. 27 მატჩში მის ანგარიშზე 16 გოლია, ზუსტად იმდენი, რამდენიც აქამდე ერთპიროვნულად საუკეთესო მიროსლავ კლოზეს გაუტანია. ეს ნიშნავს, რომ არგენტინელთა ათიანს გოლებშიც ისეთივე სიტუაცია აქვს, როგორც ასისტებში – ერთიც და მსოფლიო ჩემპიონატის ისტორიაში ამ მხრივ ერთპიროვნულად საუკეთესო გახდება. საგოლე გადაცემებში პირველობას მესი დიეგო მარადონასთან იყოფს (8 ასისტი მსოფლიო ჩემპიონატზე).

ალჟირთან გამართულ შეხვედრაში მესიმ ერთი გოლი საჯარიმოს გარედან გაიტანა, ერთი ზუსტად საჯარიმოს ხაზიდან, ერთიც მარტივად – საჯარიმოს შიგნიდან.

ჟიულ კუნდემაც მოიგო.