როგორ ვუყუროთ ელ კლასიკოს

20 მარტს, 23 საათსა და 55 წუთზე “ელ კლასიკო” გაიმართება. “ბარსელონა” “რეალს” სტუმრად დაუპირისპირდება.

ამჟამად არსებული ინფორმაციით თამაშს სილქ უნივერსალი არ გვიჩვენებს. “ელ კლასიკოს” ყურება მხოლოდ სილქ სპორტ 1-ზე იქნება შესაძლებელი.

თუ სილქ სპორტის ფასიანი არხები უკვე ჩართული გაქვთ, შეგიძლიათ, მშვიდად იყოთ. თუ გაქვთ სილქნეტის ტელევიზია და ფასიანი სპორტული არხები არ გაქვთ, შეგიძლიათ, დაიმატოთ თემატური პაკეტი “სპორტ ექსკლუზივი” თვეში 5 ლარად.

თუ არ გაქვთ სილქნეტის ტელევიზია, თამაშის ტელევიზორში საყურებლად დაგჭირდებათ 2017 წლის შემდეგ გამოშვებული Smart TV. ტელევიზორში უნდა დააინსტალიროთ პროგრამა Silk GO, გაიაროთ რეგისტრაცია და ავტორიზაცია და უფასოდ უყუროთ “ელ კლასიკოს”. გაითვალისწინეთ: აპლიკაცია უფასოა 31 მარტის ჩათვლით, შემდეგ მისი ფასი იქნება თვეში 3 ლარი.

თამაშის კომპიუტერში საყურებლად საჭიროა, დარეგისტრირდეთ და ავტორიზაცია გაიაროთ საიტზე Silktv.ge. ამ საიტზე არხ სილქ სპორტ 1-ის ყურება უფასოა 31 მარტის ჩათვლით, შემდეგ კი მისი ფასი თვეში 3 ლარი იქნება.

ტელეფონში საყურებლად საჭიროა, რომ დააინსტალიროთ აპლიკაცია Silk GO (Android ვერსიის გადმოწერა | iOS ვერსიის გადმოწერა). აპლიკაციაში საჭიროა რეგისტრაციისა და ავტორიზაციის გავლა, რის შემდეგაც უფასოდ უყურებთ “ელ კლასიკოს”. გაითვალისწინეთ: აპლიკაცია უფასოა 31 მარტის ჩათვლით, შემდეგ მისი ფასი იქნება თვეში 3 ლარი.

თამაშის რეგისტრაციის გარეშე ყურება შეგიძლიათ საიტზე Silksport.ge, მაგრამ გაითვალისწინეთ, რომ ხშირი ტექნიკური შეფერხებების გამო ამ საიტზე ყურების დროს, შესაძლოა, პრობლემები შეგექმნათ.

დეტალური ინფორმაცია “ბარსელონას” თამაშების ყურებასთან დაკავშირებით.