ერთი დღე "ბარსას" ისტორიაში - 23 თებერვალი

ერთი დღე "ბარსას" ისტორიაში - 23 თებერვალი

განვაგრძობთ რუბრიკას "ერთი დღე "ბარსელონას" ისტორიაში". ამჯერად შემოგთავაზებთ "ბარსელონასთან "დაკავშირებულ მოვლენებს, რომლებიც 23 თებერვალს მოხდა.

თამაშები

23 თებერვალს "ბარსელონას" 14-ჯერ უთამაშია. კატალონიელებმა 8 მატჩი მოიგეს, 3 ფრედ დაასრულეს და 3 წააგეს.

1913 წელი

დაიბადა "ბარსელონას" ყოფილი ფეხბურთელი (1932-33) და მწვრთნელი (1967-69) სალვადორ არტიგასი. "ბლაუგრანას" მაისურით მან 4 თამაში ჩაატარა და 1 გოლი გაიტანა.

1941 წელი

მადრიდში გამართულ "ელ კლასიკოში" "ბარსელონამ" ხოსე ბრავოსა და მარიანო მარტინის მიერ მე-2 ტაიმში გატანილი გოლებით 2-1 მოიგო.

1948 წელი

დაიბადა "ბარსელონას" ყოფილი ფეხბურთელი მანუელ კლარესი. 1973-1978 წლებში მან "ბლაუგრანას" მაისურით 126 შეხვედრა ჩაატარა და 53 გოლი გაიტანა. კლარესმა "ბარსელონაში" ესპანეთის თასი მოიგო.

1997 წელი

"ბარსელონამ" "კამპ ნოუზე" "სარაგოსა" 4-1 გაანადგურა. მასპინძელთაგან პირველი გოლი აბელარდომ გაიტანა, შემდეგ კი ჰეთ თრიქი რონალდომ შეასრულა.

2002 წელი

"ბარსელონამ" ლა ლიგის გასვლით მატჩში "ვალენსიასთან" 0-2 წააგო. ეს შეხვედრა ფრანკ დე ბურისთვის ესპანეთის ჩემპიონატში მე-100 გამოდგა.

2005 წელი

ჩემპიონთა ლიგის 1/8 ფინალის პირველ მატჩში "ბარსელონა" "ჩელსისთან" საკუთარ კედლებში აგებდა, მაგრამ ჯერ დებიუტანტი მაქსი ლოპესის, ხოლო შემდეგ სამუელ ეტო'ოს გოლებით 2-1 მოიგო.

2013 წელი

ლა ლიგის საშინაო შეხვედრაში "ბარსელონა" "სევილიასთან" აგებდა, მაგრამ 2-1 მოიგო. ეს მატჩი ესპანეთის ჩემპიონატის ზედიზედ მე-15 შეხვედრა გამოდგა, რომელშიც ლეო მესიმ გოლი გაიტანა.
ჟერარ პიკემ ლა ლიგაში მაისურით 150-ე თამაში ჩაატარა. ესპანეთის ჩემპიონატში "ბარსელონას" მაისურით ასევე 150-ედ ვიხილეთ დანი ალვესი.

2019 წელი

"ბარსელონამ" სევილია" 4-2 დაამარცხა. ლეო მესიმ "ბარსელონას" მაისურით 50-ე ჰეთ თრიქი შეასრულა. მე-4 გოლი ლუის სუარესმა გაიტანა.

  • გაწევრიანდი "ბარსელონას" გულშემატკივრების Facebook ჯგუფში

    კომენტარები [ 2 ]

    ინფორმაცია
    ამ სიახლეზე კომენტარები გათიშულია.
    საიტის ლეგენდა  [?]
    #2 23 თებერვალი 2021 16:12
    0
    2019 წელი
    "ბარსელონამ" სევილია" 4-2 დაამარცხა. ლეო მესიმ "ბარსელონას" მაისურით 50-ე ჰეთ თრიქი შეასრულა. მე-4 გოლი ლუის სუარესმა გაიტანა.
    დღეს კი რა ხდება? სევილიის გაგონებაზე მუხლები ეკვეთებათ სუყველას.
    Culé [?]
    #1 23 თებერვალი 2021 12:18
    0
    ქამბექების დღე ყოფილა🤗