ერთი დღე "ბარსას" ისტორიაში - 21 თებერვალი

ერთი დღე "ბარსას" ისტორიაში - 21 თებერვალი

წარმოგიდგენთ რუბრიკას "ერთი დღე "ბარსელონას" ისტორიაში". ამჯერად შემოგთავაზებთ "ბარსელონასთან "დაკავშირებულ მოვლენებს, რომლებიც 21 თებერვალს მოხდა.

თამაშები

21 თებერვალს "ბარსელონას" 13-ჯერ უთამაშია. კატალონიელებმა 5 მატჩი მოიგეს, 4 ფრედ დაასრულეს და 4 წააგეს.

1912 წელი

კატალონიის ნაკრებს საერთაშორისო დებიუტი ჰქონდა - პარიზში საფრანგეთთან 0-7 დამარცხდა.

1954 წელი

ლა ლიგის საშინაო შეხვედრაში "ბარსელონამ" "რეალ მადრიდი" 5-1 გაანადგურა. მასპინძელთაგან გოლები ხუსტო ტეხადამ (2), სესარმა, მორენომ და ედუარდო მანჩონმა გაიტანეს.

შეხვედრა კუბალასა (რომელიც ლა ლიგაში 50-ე თამაშს ატარებდა) და "რეალ მადრიდის" ფეხბურთელებს შორის ჩხუბითაც გამოირჩა. "ბარსელონა" 10 ათასი პესეტათი დაჯარიმდა, რამდენიმე ფეხბურთელმა კი დისკვალიფიკაცია მიიღო. "რეალ მადრიდს" არანაირი სასჯელი არ დაჰკისრებია.

2007 წელი

ჩემპიონთა ლიგის 1/8 ფინალის პირველ მატჩში, "კამპ ნოუზე" "ლივერპულთან" გამართული მატჩის მე-14 წუთზე მასპინძლები დეკუმ დააწინაურა, მაგრამ სტუმრებმა შეხვედრა 2-1 მოიგეს.

ეს ჩემპიონთა ლიგაზე ლიონელ მესის პირველი საშინაო წაგება იყო.

2009 წელი

მაურისიო პოჩეტინოს "ესპანიოლმა", ივან დე ლა პენიას დუბლის წყალობით, "კამპ ნოუზე" 2-1 მოიგო. ეს ბოლო 27 წლის განმავლობაში "ესპანიოლთან" შინ წაგებული პირველი დერბი იყო. ამ მატჩში ლა ლიგაში პეპ გვარდიოლას გუნდის 22 მატჩიანი წაუგებელი სერია შეწყდა.

2015 წელი

ყველა ტურნირზე "ბარსელონას 11 მატჩიანი მოგებათა სერია შეწყდა. ლუის ენრიკეს გუნდი "კამპ ნოუზე" "მალაგასთან" დამარცხდა (0-1).

2021 წელი

"კადისთან" 1-1 დასრულებული შეხვედრა სერხიო ბუსკეტსისთვის ლა ლიგაში მე-400 თამაში გამოდგა.

  • გაწევრიანდი "ბარსელონას" გულშემატკივრების Facebook ჯგუფში

    კომენტარები [ 2 ]

    ინფორმაცია
    ამ სიახლეზე კომენტარები გათიშულია.
    საიტის ლეგენდა  [?]
    #2 21 თებერვალი 2021 14:20
    0
    რა ნეგატიური დღე ყოფილა. დღეს მაინც გავანეიტრალოთ ცოტათი.
    გულშემატკივარი [?]
    #1 21 თებერვალი 2021 14:12
    0
    რა თარსი რიცხვია სულ ვაგებთ მგონი 😄 დღეს იმედია გავინავარდებთ.