ფიფა ფეხბურთში ახალი კანონის დანერგვას გეგმავს, რომელიც ფეხბურთელთა წარმომადგენლებს შეეხება. ამ ინფორმაციას Marca ავრცელებს.
მსოფლიო ფეხბურთის მმართველი ორგანოს მიერ შემუშავებული კანონპროექტის მიხედვით, აგენტებს, იურისტებს, ოჯახის წევრებსა თუ სხვა პირებს, რომლებიც მოთამაშეთა წარმომადგენლის როლს ასრულებენ, საკომისიოს სახით ტრანსფერიდან 6%-ზე მეტის მიღება არ შეეძლებათ. ფიფა ამ კანონის დანერგვას 2022 წლის 1 ივლისიდან აპირებს.
მადრიდული გამოცემის ცნობით, მიუხედავად იმისა, რომ კანონპროექტი საბოლოოდ შემუშავებული არაა, გავლენიან აგენტებს, როგორიცაა, მაგალითად, მინო რაიოლა, მის კანონიერებაში ეჭვი ეპარებათ და მისი ძალაში შესვლის შემთხვევაში, ჯგუფური სარჩელის შეტანას გეგმავენ.
ამჟამად საკომისიო გადასახადის შესახებ კანონი არ არსებობს. ფიფას რეკომენდაცით, ის სატრანსფერო თანხის 3%-ს არ უნდა აღემატებოდეს, თუმცა კანონიერი შემაკავებლის არ არსებობის გამო, მისი გათვალისწინება არ ხდება. გასულ სეზონში საკომისიო თანხების ჯამურმა ოდენობამ 450 მილიონს გადააჭარბა. სწორედ ამ უკონტროლობის გამო, ფიფას მისი კანონიერ ჩარჩოებში მოქცევა სურს.
Marca წერს, რომ ხსენებული კანონის მთავარი მოწინააღმდეგე ერლინგ ჰოლანდის აგენტი, მინო რაიოლაა. თუ კანონი ძალაში შევა, რაიოლას ნორვეგიელისთვის ახალი კლუბის მოძებნა და მასთან კონტრაქტის გაფორმება 1 ივლისამდე მოუწევს, რათა რეგულაციას თავი დააღწიოს. ჰოლანდის ერთ-ერთი მთავარი მსურველი “ბარსელონაა”, რომელიც მისი ტრანსფერისთვის საჭირო სახსრების მოპოვებაზე მუშაობს. კატალონიელებს ფეხბურთელის წარმომადგენლის მოთხოვნების დაკმაყოფილებაზე ზრუნვაც მოუწევთ.
ნეტავ ეგ კანონი ამოქმედდებოდეს და მეტი არაფერი მინდა. უკვე გულს მირევს ამ რაიოლას სტავკები. ეს 20 მილიონი მე მგონი ამის მინიმუმია.
ე ბიჭო სად იყავით აქამდე გაედო რაიოლას
უნდა გაამათრახო ეს გაუმაძღარი ღორი.
აბა 75 მილიონიანი ტრანსფერი რომ იჩარხსბა და ტიპი 20 მილიონს ითხოვს ეგაა სამართლიანი?!
გააააედო რაიოლაას
ძაანაც კარგი, ძაან გადაი@ვეს ამ აგენტებმა
კარგი ინიციატივაა, + ფეხბურთელის სურვილებში უხეში ჩარევისთვისაც რომ იყოს დაპაშოლება ფეხბურთითან მთლად იდიალურს მიუახლოვდებოდა სააგენტო სამუშაოები..