ბარსელონამ ეზალზულის შეძენა მორიბას გაშვების დამსახურებით შეძლო

მიმდინარე სეზონში “ბარსელონაში” ბევრი იმედისმომცემი ახალგაზრდა გამოჩნდა. ერთ-ერთი გამორჩეული აბდე ეზალზულია, რომელმაც თავისი სადებიუტო გოლიც გაიტანა.

კატალონიურმა კლუბმა მაროკოელი შემტევი ზაფხულის სატრანსფერო ფანჯრის ბოლო დღეს “ერკულესიდან” 2 მილიონის სანაცვლოდ დაიმატა. 

Cadena Ser-ის ჟურნალისტის, სიკე როდრიგეს გაირის ინფორმაციით, “ბარსელონას” 19 წლის ფეხბურთელის დამატების საშუალება ილაიშ მორიბას გაშვებამ მისცა. წყაროს ცნობით, კლუბის აღმასრულებელმა დირექტორმა, ფერან რევერტერმა “ერკულესს” 1 მილიონი+5 მილიონი ბონუსების სახით შესთავაზა, თუმცა უარი მიიღო, მორიბას ტრანსფერით გამომუშავებული 16 მილიონით კი ეზალზულის გამოსასყიდი თანხის გადახდა შეძლო.

ილაიშ მორიბა გასულ ზაფხულს “ლაიფციგს” შეუერთდა. “ბარსაში” მისი ძალიან ეიმედებოდათ, თუმცა კონტრაქტის პირობებთან დაკავშირებული უთანხმოების გამო, მხარეთა გზები გაიყო.