ერთი დღე "ბარსას" ისტორიაში - 25 იანვარი
- 25-01-2021, 09:59
-
Writer - 9
განვაგრძობთ რუბრიკას "ერთი დღე "ბარსელონას" ისტორიაში". ამჯერად შემოგთავაზებთ "ბარსელონასთან "დაკავშირებულ მოვლენებს, რომლებიც 25 იანვარს მოხდა.
თამაშები
25 იანვარს "ბარსელონას" 18-ჯერ უთამაშია. კატალონიელებმა 8 მატჩი მოიგეს, 5 ფრედ დაასრულეს და 5 წააგეს.
1942 წელი
"ლეს კორტსზე" გამართულ შეხვედრაში "ბარსელონა" "რეალთან" ანგარიშით 0-2 დამარცხდა. სტუმართაგან თავი დუბლით მანუელ ალდაიმ გამოიჩინა.
1948 წელი
"ბარსელონამ" "რეალი" საკუთარ მოედანზე 4-2 დაამარცხა. მასპინძელთაგან გოლები სეგერმა, ბასორამ (2) და სესარმა გაიტანეს.
1980 წელი
დაიბადა "ბარსელონას" ლეგენდარული ნახევარმცველი ჩავი ერნანდესი. 1992-1997 წლებში ასაკობრივ გუნდებში თამაშის შემდეგ, 1997-1999 წლები ჩავიმ "ბარსა ბ-ში" გაატარა, შემდეგ კი პირველ გუნდში დაწინაურდა.
"ბლაუგრანას" პირველ გუნდში ჩატარებულ 767 თამაშში მან 85 გოლი გაიტანა და 184 საგოლე გადაცემა გააკეთა.
ჩავიმ "ბარსელონაში" 25 ტიტული მოიგო - 8 ლა ლიგა, 3 ესპანეთის თასი, 6 ესპანეთის სუპერ თასი, 4 ჩემპიონთა ლიგა, 2 ევროპის სუპერ თასი, 2 მსოფლიოს საკლუბო ჩემპიონატი.
1984 წელი
"ბარსელონა ატლეტიკსა" (ამჟამინდელი "ბარსელონა ბ") და მადრიდის "რეალს" შორის ესპანეთის თასზე ჩატარებული შეხვედრა 0-0 დასრულდა.
1989 წელი
დაიბადა "ბარსელონას" ხელბურთის გუნდის ბრაზილიელი მოთამაშე ტიაგუს პეტრუს გონსალვეს დოს სანტოსი.
1989 წელი
"კარტახენასთან" მატჩში ერნესტო ვალვერდემ "ბარსელონას" შემადგენლობაში ქვეყნის თასზე სადებიუტო თამაში ჩაატარა და გოლიც გაიტანა.
1996 წელი
დაიბადა "ბარსელონას" ყოფილი ფეხბურთელი ადამა ტრაორე. "ლა მასიას" აღზრდილმა პირველ გუნდში 4 თამაში ჩაატარა და 1 გოლი გაიტანა.
2018 წელი
ყოფილ გუნდთან, "ესპანიოლთან" თასზე გამართულ შეხვედრაში ფილიპე კოუტინიოს "ბარსელონური" დებიუტი შედგა.
ამ სიახლეზე კომენტარები გათიშულია.
კომენტარები [ 9 ]