ლა მასიელები, რომლებსაც ჩავიმ, შესაძლოა, ესპანიოლთან თამაშისთვის პირველ გუნდში უხმოს

ჩავი ერნანდესი “ბარსელონას” მთავარი მწვრთნელის პოსტზე პირველ მატჩს შაბათს, 20 ნოემბერს, “ესპანიოლის” წინააღმდეგ გამართავს.

ცნობილია, ჩავის განკარგულებაში პირველი გუნდის მხოლოდ 3 შემტევი მოთამაშე ეყოლება – მემფის დეპაი, ლუკ დე იონგი და იუსუფ დემირი.

ჩავიმ უკვე რამდენჯერმე აღნიშნა, რომ მის სათამაშო სისტემაში ფლანგის შემტევებს მნიშვნელოვანი როლი უკავიათ. ამრიგად, Sport ვარაუდობს, რომ 41 წლის სპეციალისტმა, შესაძლოა, “ესპანიოლთან” შეხვედრისთვის 3 ახალგაზრდა გარემარბს უხმოს. პირველ გუნდში გამოძახების საუკეთესო კანდიდატები ილიას აკომაში, ფერან ჟუტგლა და აბდე ეზალზული არიან.

ცნობისთვის, ხსენებული ფეხბურთელებიდან ძირითად გუნდში მხოლოდ აბდეს უთამაშია და ისიც მხოლოდ ერთხელ.

“ბარსას” ლაზარეთში ამჟამად 4 თავდამსხმელი ჰყავს: უსმან დემბელე, ანსუ ფატი, სერხიო აგუერო და მარტინ ბრეითუეიტი. ივარაუდება, რომ ყველაზე მალე გუნდს დემბელე დაუბრუნდება, მაგრამ იგი “ესპანიოლთან” მატჩამდე გამოჯანმრთელებას ვერ ასწრებს.