ერთი დღე “ბარსას” ისტორიაში – 9 იანვარი

წარმოგიდგენთ რუბრიკას “ერთი დღე “ბარსელონას” ისტორიაში. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 9 იანვარს მოხდა.

თამაშები

9 იანვარს “ბარსელონამ” 16 ოფიციალური თამაში ჩაატარა, საიდანაც კატალონიელებმა 10 მოიგეს, 2 ფრედ დაასრულეს და 4 წააგეს.

1910 წელი

“ბარსელონამ” კატალონიის ჩემპიონატში “სტარი” 8-0 გაანადგურა. 5 გოლი კომამალამ გაიტანა, ხოლო 3 უოლასმა.

1949 წელი

“ბარსელონამ” “რეალ მადრიდი” საკუთარ კედლებში 3-1 დაამარცხა. ესტანისლაო ბასორამ თავი თავის ზედიზედ მე-3 “კლასიკოში” გამოიჩინა. დუბლი შეასრულა სესარმა, “ბარსელონამ” კი “რეალთან” არსებული წაუგებელი სერია ხუთამდე გაზარდა.

1988 წელი

დაიბადა “ბარსელონას” ყოფილი ნახევარმცველი მარკ კროსასი. 2005-2008 წლებში მან “ბლაუგრანას” მაისურით 10 თამაში ჩაატარა. 

2001 წელი

დაიბადა ერიკ გარსია.

2012 წელი

პეპ გვარდიოლა FIFA-ს ვერსიით მსოფლიოს 2011 წლის საუკეთესო მწვრთნელად დასახელდა.

2018 წელი

ლუის კორტესი “ბარსელონას” ქალთა გუნდის მთავარ მწვრთნელად დაინიშნა.