ბარსელონას ახალი მწვრთნელი ჩავი იქნება

თითქმის ყველა ესპანური გამოცემა თანხმდება, რომ “ბარსელონას” ახალი მთავარი მწვრთნელი ჩავი ერნანდესი იქნება.

აქამდეც ცნობილი იყო, რომ “ბლაუგრანა” ჩავის რონალდ კუმანის შეცვლის ერთ-ერთ კანდიდატად განიხილავდა. ესპანელი ჟურნალისტების ცნობით, ნიდერლანდელის გათავისუფლების შემდეგ “ბარსა” ჩავის დაუკავშირდა.

რამდენიმე გამოცემის, მათ შორის RAC1-ის ცნობით უკვე გადაწყვეტილია, რომ “ბარსას” ჩავი ჩაიბარებს, დარჩენილია მცირე დეტალების მოგვარება, მათ შორის ესპანელის ამჟამინდელ კლუბთან “ალ სადთან” მოლაპარაკება, მაგრამ ივარაუდება, რომ ეს პრობლემა არ იქნება. ნიკოლა შირა კი იტყობინება, რომ პირადი კონტრაქტის დეტალები უკვე შეთანხმებულია და “ბარსელონა” ჩავის 2024 წლამდე ჩაიბარებს.

ვრცელდება ინფორმაცია, რომ ჩავი “ბარსელონაში” მუშაობას “სელტასთან” თამაშის შემდეგ შეუდგება. ეს ნიშნავს, რომ გუნდს მომდევნო 3 მატჩისთვის დროებითი მწვრთნელი დაჭირდება და შესაძლოა, ეს “ბარსა ბ-ს” დამრიგებელი სერჟი ბარჟუანი იყოს.