ინტერვიუ ჟოან ლაპორტასთან

როგორც ჩვენმა აღმასრულებელმა დირექტორმა (ფერან რევერტერი) განაცხადა, ხელმძღვანელობას იმპროვიზაცია უწევს, ტრანსფერების ფულის გარეშე განხორციელება. სიტუაცია არცისე კარგია.

იურიდიული დეპარტამენტი შესაძლო დარღვევებს იკვლევს, რათა დავადგინოთ, უნდა დადგეს თუ არა გარკვეული პირების პასუხისმგელობა. წლის ბოლოსთვის, ყველა ინფორმაცია მოგროვებული იქნება და გადაწყვეტილებას მივიღებთ. არ მინდა, რომ ვიჩქაროთ, უდანაშაულობის პრეზუმფცია უნდა დავიცვათ და შედეგებს დაველოდოთ.

რთულ მდგომარეობას ველოდი, თუმცა გაცილებით უარესი დაგვხვდა. “ესპაი ბარსასთან” დაკავშირებით შექმნილი ვითარებით შეშფოთებულები ვართ, საშუამავლო და მომწოდებელ კომპანიებთან გაფორმებულ რამდენიმე კონტრაქტში საეჭვო რაოდენობის თანხაა გადახდილი. ბართომეუსთან ძალიან დიდი ხანია არ მისაუბრია, არც წინა ბორდის სხვა წევრებთან.

კლუბს, ფერან რევერტერის სახით, ძალიან კარგი აღმასრულებელი დირექტორი ჰყავს. ჩვენ შევიმუშავეთ 5-წლიანი გეგმა. წელს, ჩვენს მიზანს ბიუჯეტში დეფიციტის არარსებობა წარმოადგენს.

ტრანსფერების განხორციელება შეგვიძლია, ამისთვის რესურსების მოძიებას შევძლებთ, თუმცა ახალი ვალების აღება არ გვსურს. კლუბის სპორტულ საჭიროებებსა და ახალი ფეხბურთელების გაფორმებაზე ყოველთვის ვფიქრობთ.

მაშინ, აუდიტის დასკვნა არ გვქონდა. ვფიქრობდით, რომ რესურსი არსებობდა. თავდაპირველად, მათგან ვიცოდით, რომ მას დაბრუნება სურდა, თუმცა, როდესაც პირველი ნაბიჯი გადავდგით, სიტუაცია სხვაგვარი აღმოჩნდა. ეს ჩემთვის მოულოდნელი არ ყოფილა, ეს მოთხოვნა-მიწოდების კანონია. იგი დარჩა იმ კლუბში, რომელსაც საუკეთესო კონტრაქტის შეთავაზება შეუძლია. მისი ვერშეძენა ცუდი ამბავი არ არის, ახლა, იგი არსებული სიტუაციის გამოსწორებაში ვერ დაგვეხმარებოდა.

ეს კლუბის სიცოცხლისუნარიანობისთვის აუცილებელია, როგორც აწმყოში, ასევე მომავლისთვის. კლუბს ახალი სტადიონი, “პალაუ ბლაუგრანა”, “ბარსას კამპუსი” ექნება, რაც დიდ შემოსავალს მოიტანს. კლუბის წევრები ამ პროექტით მოიხიბლებიან, პროექტი ქალაქსა და კლუბზე შთამბეჭდავ გავლენას იქონიებს. ეს არის ფუნდამენტალური პროექტი და იმედი გვაქვს, რომ ასამბლეა მოგვცემს უფლებას, პროექტისთვის აუცილებელი კაპიტალი მოვიპოვოთ და მის განხორციელებას მომდევნო ზაფხულიდან შევუდგეთ.

როდესაც “კამპ ნოუს” რეკონსტრუქცია დაიწყება, ვგეგმავთ, რომ “იოჰან კრუიფზე” ერთი წელი ვითამაშოთ. ასევე, განვიხილავთ “იოჰან კრუფის” ტევადობის 50 ათასამდე გაზრდას.

როდესაც ახალი პროექტი წარმიდგინეს, ტანში ჟრუანტელმა დამიარა, იგი ბრწყინვალეა. ამ პროექტს ქალაქზე ისეთივე გავლენა ექნება, როგორიც “ოლიმპიადას” აქვს.

“კამპ ნოუზე” ტევადობა 110 ათასამდე გაიზრდება. გვექნება ახალი მესამე იარუსი და ახალი VIP ლოჟები.

Goldman Sachs (ამერიკული საინვესტიციო ფონდი) ამ ყველაფერის განხორციელებაში დაგვეხმარება, ამ ადამიანებს ჩვენი ფილოსოფია კარგად ესმით.

ჩვენ ვერავინ გვმართავს, მით უმეტესი, “რეალი”. ეს გადაწყვეტილება ჩვენ მივიღეთ. თუ ამ თანხას სესხის სახით მივიღებთ, მაშინ ჩვენ ის არ გვსურს.

მესის დარჩენა სურდა, თუმცა, ამავდროულად, ისინი გარკვეული წნეხის ქვეშ იყვნენ, რადგან პსჟ-ისგან წინადადება ჰქონდათ. ვფიქრობ, მათ იცოდნენ, რომ თუ იგი “ბარსაში” ვერ დარჩებოდა, პსჟ-ს შეურთდებოდა. ბოლო წამს, იმედი მქონდა, რომ მესი უფასოდ თამაშს შემოგვთავაზებდა, ლა ლიგა ამას არ დაბლოკავდა, მაგრამ ჩვენ მისი დონის ფეხბურთელს ამას ვერ ვთხოვდით.
იმედი მქონდა, რადგან მას ვიცნობ, პირველ გუნდს ჩემს დროს შეუერთდა, მის ოჯახს ძალიან დავეხმარე. მან იცოდა, რომ როდესაც ფინანსური მდგომარეობის გამოსწორებას შევძლებდით, შეთანხმებულ ანაზღაურებას მიიღებდა.

ჩვენ გვსურს, რომ, თუ მათი სურვილიც იქნება, როდესაც ამისთვის შესაფერისი დრო მოვა, სათანადო გამოსამშვიდობებელი ღონისძიება მოვაწყოთ.

ყველა კატალონიელი, მათ შორის კუმანიც, შედეგებით იმედგაცრუებულია. ასეთ დროს, პრეზიდენტი ვალდებულია, შეაფასოს ყველა გარემოება და მიიღოს საუკეთესო გადაწყვეტილება. ჩემი ნდობით აღჭურვილ ადამიანებთან საუბრის შემდეგ, გადავწყვიტე, რომ ისევე უნდა მოვქცეულიყავი, როგორც რაიკარდის შემთხვევაში მოვიქეცი. იგი ნდობას იმსახურებს.

პირველ რიგში, ის კულეა, რომელსაც “ბარსა” უყვარს და ამას მას საუბრის დროსაც შეატყობთ. ამასთან, ის “ბარსელონას” ლეგენდაა. კუმანი მაშინ მოვიდა, როდესაც კლუბში რთული სპორტული და ეკონომიკური მდგომარეობა იყო. როდესაც ვკითხე, აქვს თუ არა ამ გუნდის რწმენა, მან მიპასუხა, რომ, რა თქმა უნდა, აქვს, მაგრამ ტრავმირებული ფეხბურთელების დაბრუნება სჭირდება.

როდესაც კუმანმა ყველაფერი ამიხსნა, ჩემთვის გასაგები გახდა. თამაშის სტილზე ყველას ჩვენი წარმოდგენა გვაქვს, მაგრამ პროფესიონალებთან ვერ ვიკამათებ, მათ პატივს ვცემ. იგივე მოხდა რაიკარდთან და პეპთან. ხანდახან, მათ ჩემს მოსაზრებებს ვაცნობდი და ამის შესახებ ვმსჯელობდით. 

პირველ რიგში, კუმანს სურს გამარჯვებების მოპოვება და წარმატება. ვფიქრობ, რომ მისთვის ამ შანსის არმიცემა სამართლიანი გადაწყვეტილება არ იქნებოდა. 

მასთან ხშირად ვსაუბრობ, რადგან მეგობრები ვართ. რამდენიმე დღის წინ, პეპთან ვისაუბრე. მათი აზრი ყოველთვის მაინტერესებს, რადგან ჩემზე მეტი იციან.

ჩვენი მწვრთნელი რონალდ კუმანია. მისი აქ ყოფნით მოხარულები ვართ, ახლა კი ამ არასასურველი სიტუაციის გამოსწორებაზე ვმუშაობთ. ჩვენი სპორტული დეპარტამენტი სხვა მწვრთნელებსა და ფეხბურთელებზე ყოველდღიურად მუშაობს და ეს ნორმალური მოვლენაა. ჩვენ ვიცნობთ ყველა იმ მწვრთნელსა და ფეხბურთელს, რომლებიც “ბარსას” ორბიტაზე იმყოფებიან, თუმცა ჩვენი მწვრთნელი კუმანია და მისი წასვლის გადაწყვეტილება არასდროს მიმიღია, ვფიქრობ, რომ ნდობას იმსახურებს.