ერთი დღე “ბარსას” ისტორიაში – 27 სექტემბერი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 27 სექტემბერს მოხდა.

თამაშები

27 სექტემბერს “ბარსელონამ” 18 ოფიციალური თამაში ჩაატარა, საიდანაც კატალონიელებმა 10 მოიგეს, 5 ფრედ დაასრულეს და 3 წააგეს.

1906 წელი

დაიბადა ენრიკ მასი, “ბარსელონას” 1920-30-იანი წლების მცველი. მან კლუბის მაისურით 176 მატჩი ჩაატარა და პირველი ლა ლიგის, 1928/29 წლების ჩემპიონი გახდა.

1920 წელი

დაიბადა “ბარსელონას” ყოფილი არგენტინელი ნახევარმცველი მარკოს აურელიო დი პაულო. მან “ბლაუგრანაში” 1949-51 წლებში ითამაშა და 1 ესპანეთის ჩემპიონატი, 1 ესპანეთის თასი, 1 ევა დუარტეს თასი (ესპანეთის სუპერ თასი) და 1 ლათინური თასი მოიგო. დი პაულო ლა ლიგაში “ბარსელონას” მე-1000 გოლის ავტორია.

1942 წელი

“ბარსელონამ” სეზონი მადრიდში “რეალ მადრიდთან” 0-3 წაგებით დაიწყო.

1956 წელი

დაიბადა “ბარსელონას” ყოფილი შოტლანდიელი თავდამსხმელი სტივ არჩიბალდი. 1984-1987 წლებში მან “ბლაუგრანას” მაისურით 78 თამაში ჩაატარა და 32 გოლი გაიტანა. არჩიბალდმა კატალონიურ გუნდში 1 ესპანეთის ჩემპიონატი და 1 ესპანეთის ლიგის თასი მოიგო.

1959 წელი

ელენიო ერერას “ბარსელონამ” ლა ლიგაში “ოსასუნა” 6-0 გაანადგურა. ევარისტომ ჰეთ-თრიკი შეასრულა, ეულოხიო მარტინესმა დუბლი გაიფორმა, კიდევ ერთი გოლი კი ჟოან სეგარამ გაიტანა.

2005 წელი

“ბარსელონამ” ჩემპიონთა ლიგაზე თავისი 150-ე თამაში ჩაატარა. “უდინეზესთან” 4-1 მოგება ამ ტურნირზე 50-ე თამაში იყო კარლეს პუიოლისთვის. ამ შეხვედრაში გოლები რონალდინიომ (3) და დეკუმ გაიტანეს.

2011 წელი

გარდაიცვალა ხესუს მარია “ჩუს” პერედა, 1960-იანი წლების “ბარსელონას” ერთ-ერთი გამორჩეული ფეხბურთელი. მან კლუბში 316 მატჩი ჩაატარა, 114 გოლი გაიტანა და მოიგო ორი ესპანეთის თასი და ბაზრობათა თასი.

2014 წელი

“ბარსელონამ” “გრანადა” “კამპ ნოუზე” 6-0 გაანადგურა. ნეიმარმა “ბარსაში” პირველი ჰეთ თრიქი გაიფორმა, მესიმ კი კარიერაში მე-400 გოლი გაიტანა, ჩავიმ კი ლა ლიგაში მე-300 გამარჯვება იზეიმა.

2020 წელი

ლა ლიგაში “ვილიარეალთან” 4-0 მოგებულ შეხვედრაში “ბარსელონას” შემადგენლობაში პედრის, მირალემ პიანიჩის, ფრანსიშკუ ტრინკაუსა და მთავარი მწვრთნელი რონალდ კუმანის ოფიციალური დებიუტი შედგა.