ლევანტესთან ფატის დაბრუნება შესაძლებელია, პედრის – თითქმის გამორიცხული | AS

Diario AS “ბარსელონას” ახალგაზრდა ტალანტების, ანსუ ფატისა და პედრის შესაძლო დაბრუნების შესახებ ახალ ინფორმაციას გვთავაზობს.

რონალდ კუმანმა უკვე განაცხადა, რომ შესაძლოა, ფატი “ლევანტესთან” მატჩის განაცხადში მოხვდეს, თუმცა მან არც ის გამორიცხა, რომ 18 წლის ფეხბურთელის დაბრუნება რამდენიმე დღით გადაიდოს და ის მოედანზე “ბენფიკას” წინააღმდეგ ვიხილოთ. სამედიცინო შემოწმების ჩატარების შემდეგ, ექიმებმა ახალგაზრდა შემტევს თამაშის უფლება მისცეს. ნებისმიერ შემთხვევაში, ფატის დაბრუნება ნაჩქარევი არ იქნება – თუ ის “ლევანტეს” წინააღმდეგ დაბრუნდება, მოედანზე 20 წუთზე მეტს არ გაატარებს.

რაც შეეხება პედრის, კვირას მისი თამაში პრაქტიკულად გამორიცხულია – გონსალესს ჯერ გუნდთან ერთად არ უვარჯიშია, შეხვედრა კი 2 დღეშია. მიუხედავად ამისა, შესაძლოა, ხვალ დილით მას სამედიცინო შემოწმება ჩაუტარდეს. ფრენკი დე იონგის დისკვალიფიკაციის პირობებში, მისი გამოჯანმრთელება ძალიან მნიშვნელოვანია. გავრცელებული ინფორმაციით, 18 წლის ნახევარმცველი, შესაძლოა, “ბენფიკასთან” მატჩისთვის მზად იყოს.

ზემოხსენებული ფეხბურთელების გარდა, “ბარსელონას” ლაზარეთში ჟორდი ალბა, უსმან დემბელე, სერხიო აგუერო, მარტინ ბრეითუეიტი და ალეხანდრო ბალდე რჩებიან.