ერთი დღე “ბარსას” ისტორიაში – 10 სექტემბერი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 10 სექტემბერს მოხდა.

თამაშები

10 სექტემბერს “ბარსელონამ” 11 ოფიციალური თამაში ჩაატარა, საიდანაც კატალონიელებმა 6 მოიგეს, 2 ფრე დაასრულეს და 3 წააგეს.

1929 წელი

“ბარსელონამ” ერთ დღეს ორი ამხანაგური მატჩი ჩაატარა: “ალფონსო XIII” 2-0 დაამარცხა, ხოლო “ტარეგას” 6-2 მოუგო. მეორე შეხვედრაში ანხელ აროჩამ ჰეთ-თრიქი შეასრულა, ჟოზეპ სამიტიერმა კი ორი გოლი გაიტანა.

1930 წელი

დაიბადა “ბარსელონას” ყოფილი მცველი ხესუს გარაი. 1960-1965 წლებში მან “ბლაუგრანას” მაისურით 126 თამაში ჩაატარა და 3 გოლი გაიტანა. გარაიმ კატალონიურ გუნდში ესპანეთის თასი მოიგო.

1944 წელი

“ბარსელონამ” ერთ დღეში ორი ამხანაგური მატჩი ჩაატარა – “საბადელს” 4-2 და “სანტ ანდრეუს” 4-0 მოუგო.

1950 წელი

რუმინელ ნიკოლაე სიმატოცს, იგივე მიკლოშ სეგედის “ბარსელონაში” დაუვიწყარი დებიუტი ჰქონდა – “სოსიედადთან” 8-2 მოგებულ შეხვედრაში მან თავი 1 გოლითა და 5 საგოლე გადაცემით გამოიჩინა. 4 გოლი სესარმა გაიტანა, 2 ბასორამ, ხოლო ერთიც ალოიმ. სესარმა ამ მატჩში ლა ლიგაში თავისი 150-ე გოლი გაიტანა.

1958 წელი

სესარ როდრიგესის გამოსამშვიდობებელ მატჩზე დებიუტი ჰქონდა “კამპ ნოუს” 20 წლის გამომცხადებელს, მანელ ვიკს. ის ამ პოსტზე მომდევნო თითქმის 60 წლის განმავლობაში მუშაობდა და მხოლოდ 4 თამაში გამოტოვა.

1967 წელი

დაიბადა “ბარსელონას” ყოფილი ნახევარმცველი ჟორდი როურა. 1988-1991 წლებში მან “ბლაუგრანას” მაისურით 14 თამაში ჩაატარა. როურამ კატალონიურ გუნდში 1 თასების მფლობელთა თასი, 1 ესპანეთის თასი და 1 ესპანეთის ჩემპიონატი მოიგო. 2012/13 წლების სეზონში როურა “ბარსას” მთავარი მწვრთნელის, ტიტო ვილანოვას თანაშემწე იყო.

2011 წელი

“რეალ სოსიედადთან” გამართულ შეხვედრაში (2-2) ვიქტორ ვალდესმა ანდონი სუბისარეტას გადაასწრო და კლუბის ისტორიაში ყველაზე მეტი ოფიციალური მატჩის მქონე მეკარე გახდა.

2018 წელი

“ბარსელონა” გახდა პირველი სპორტული კლუბი, რომელმაც YouTube-ზე 5 მილიონ გამომწერს გადააჭარბა.