ოფიციალურად: ბარსელონამ რეი მანაის ტრანსფერი დაადასტურა

უკვე ოფიციალურად დადასტურდა ინფორმაცია, რომ “ბარსელონას” ახალგაზრდა თავდამსხმელი, რეი მანაი “სპეციაში” გადაბარგდა.

ფეხბურთელი იტალიაში იჯარის წესით ითამაშებს. “სპეცია” “ბარსას” 300 ათას ევროს გადაუხდის და ფეხბურთელის ხელფასსაც თავად დაფარავს, სეზონის ბოლოს კი იტალიელებს ალბანელის 2.7 მილიონად გამოსყიდვის უფლება ექნებათ.

24 წლის ფეხბურთელი “ბლაუგრანას”, სარეზერვო გუნდში სათამაშოდ, 2020 წლის იანვარში შეუერთდა. გასულ სეზონში მან მონაწილეობა 22 მატჩში მიიღო და გოლით თავი 14-ჯერ გამოიჩინა.

მიმდინარე სეზონის დაწყების წინ რეიმ “პრესეზონის გოლეადორის” ტიტული მიიღო – პირველ გუნდში მიდი დებიუტი “ნასტიკის” წინააღმდეგ შედგა, ფეხბურთელმა ჰეთ-თრიქი შეასრულა. ასევე, გოლის  გატანა “ჟირონას” წინააღმდეგაც შეძლო. საბოლოო ჯამში კი, ნათამაშებ 117 წუთში რეიმ 4 გოლი მიითვალა.