წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 13 აგვისტოს მოხდა.
თამაშები
13 აგვისტოს “ბარსელონამ” 6 ოფიციალური თამაში ჩაატარა. კატალონიელებმა 3 მატჩი მოიგეს, 2 ფრედ დაასრულეს და 1 წააგეს.
1942 წელი
ფრანსისკო ფრანკოს მიერ დანიშნული ენრიკე პინეირო “ბარსელონას” პრეზიდენტი მეორედ გახდა.
1973 წელი
იოჰან კრუიფი “ბარსელონას” შემოუერთდა.
1999 წელი
დაიბადა “ბარსელონას” ყოფილი ნახევარმცველი რიკი პუჩი. 2018-2022 წლებში მან “ბლაუგრანას” მაისურით 56 თამაში ჩაატარა და 2 გოლი გაიტანა. პუჩმა “ბარსელონასთან ერთად 1 ლა ლიგა და 1 ესპანეთის თასი მოიგო.
2008 წელი
“ბარსელონას” მთავარი მწვრთნელის პოსტზე პეპ გვარდიოლას ოფიციალური დებიუტი შედგა. მისმა გუნდმა ჩემპიონთა ლიგის საკვალიფიკაციო ეტაპზე კრაკოვის “ვისლა” 4-0 გაანადგურა. გოლები ეტოომ (2), ჩავიმ და ანრიმ გაიტანეს.
2017 წელი
ერნესტო ვალვერდეს პირველი “ელ კლასიკო” “კამპ ნოუზე” მარცხით (1-3) დასრულდა.
ეგ კლასიკო სუპერთასზე იყო მე მგონი, გუნდი ხო გააჩემპიონა მაინც.
მაგრად გვაკლია დიდი იოჰანი,ერთი-ორ კარგ რჩევას მისცემდა ლაპორტას.
მოვიდა კრუიფი და ჯერ როგორც ფეხბურთელმა, შემდეგ როგორც მწვრთნელმა შექმნა ეპოქა❤️❤️❤️🙏