ერთი დღე “ბარსას” ისტორიაში – 8 ივნისი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 8 ივნისს მოხდა.

თამაშები

8 ივნისს “ბარსელონას” 7-ჯერ უთამაშია. კატალონიელებმა 2 მატჩი მოიგეს, 4 ფრედ დაასრულეს და 1 წააგეს.

1941 წელი

მადრიდში გამართულ ამხანაგურ მატჩში “ბარსელონამ” “რეალ მადრიდი” 3-2 დაამარცხა. სტუმართაგან გოლები ბრავომ, რაიხმა და ესკოლამ გაიტანეს.

1984 წელი

დაიბადა “ბარსელონას” ლეგენდარული ფეხბურთელი ხავიერ მასკერანო. “ბლაუგრანას” მაისურით ჩატარებულ 336 თამაშში მან 1 გოლი გაიტანა. კატალონიურ კლუბში მასკერანომ 5 ესპანეთის ჩემპიონატი, 4 ესპანეთის თასი, 3 ესპანეთის სუპერ თასი, 2 ჩემპიონთა ლიგა, 2 ევროპის სუპერ თასი და 2 მსოფლიოს საკლუბო ჩემპიონატი მოიგო.

1991 წელი

“ბარსელონამ” “სანტიაგო ბერნაბეუზე” 0-1 წააგო, მაგრამ თამაშის წინ “რეალ მადრიდმა” უკვე გაჩემპიონებულ “ბარსას” ღირსების დერეფანი გაუკეთა.

1992 წელი

“ბარსელონამ” ჰოლანდიაში გამართულ ამხანაგურ მატჩში “სმილდე” 20-1 გაანადგურა, რაც კლუბის ისტორიაში ყველაზე დიდი გამარჯვებაა. სტუმართაგან გოლები სალინასმა (6), ბეგირისტაინმა (5), ლაუდრუპმა (2), ალეშანკომ (2), კრისტიანსენმა, კარერასმა, ეკულანდმა, ვიჩგემ და კუმანმა გაიტანეს.

2011 წელი

გაუქმდა “ბარსელონას” ბეისბოლის გუნდი.