განახლებული სატრანსფერო ფასები | ლეო მესი დაქვეითდა

Tansfermarkt.com-მა ფეხბურთელების ფასები განაახლა . განახლებული ფასების მიხედვით, ლეო მესი ლა “ბარსელონაში” და შესაბამისად, ლა ლიგაში ყველაზე ძვირადღირებულ ფეხბურთელს აღარ წარმოადგენს. არგენტინელს ფრენკი დე იონგმა გაასწრო, რომელიც 90 მილიონ ევროდ არის შეფასებული, ლეო მესი კი 80-ად. ლა ლიგის კრიზისსა და რეგრესზე ის ფაქტიც მეტყველებს, რომ ყველაზე ძვირადღირებულ მოთამაშეთა საერთო რეიტინგში ესპანეთის უმაღლესი ჩემპიონატის წარმომადგენილი ტოპ 10-შიც კი არ იმყოფება. დე იონგი მხოლოდ და მხოლოდ მე-12 პოზიციას იკავებს. 

შეცვლილი ფასებისა და დიდხნიანი უქმობის მიუხედავად, ანსუ ფატი 80 მილიონ ევროდ კვლავაც ყველაზე ძვირადღირებულ ესპანელ ფეხბურთელად ითვლება.

“ბარსას” უნიჭიერეს თინეიჯერს ეს სეზონი ფაქტობრივად სრულად გაუცდა, მენისკზე მიღებული დაზიანების გამო ანსუს რამდენიმე ოპერაციის ჩატარება მოუწია. Mundo Deportivo-ს ინფორმაციით, ანსუ ფატი უკვე ბარსელონაში იმყოფება და გამოჯანმრთელებას განაგრძობს. რეაბილიტაციის პროცესი ნელ-ნელა უფრო შედეგიანი ხდება და ფატისაც მოედანზე მალე ვიხილავთ.

ესპანელი ფეხბურთელების სიაში მეორე პოზიციას ფატის თანატოლი და ასევე “ბლაუგრანელი” პედრი იკავებს. ის 70 მილიონადაა შეფასებული. მსგავსი ფასი ადევს ოიარსაბალს, როდრისა და ლორენტეს. მათ შემდეგ 60 მილიონით კოკე მოდის, 55 მილიონით – საული, 50-50 მილიონად კი ლაპორტი, პაუ და ფერან ტორესები არიან შეფასებული.

განახლებული რეიტინგის მიხედვით, ტოპ 25 შემდეგნაირად გამოიყურება.

1. კილიან მბაპე – 160 მლნ ევრო

2. ჰარი კეინი – 120 მლნ ევრო

3. ერლინგი ჰოლანდი – 110 მლნ ევრო

4. მოჰამედ სალაჰი – 110 მლნ ევრო

5. ნეიმარი – 110 მლნ ევრო

6. ჯეიდონ სანჩო – 100 მლნ ევრო

7. ტრენტ ალექსანდერ-არნოლდი – 100 მლნ ევრო

8. სადიო მანე – 100 მლნ ევრო

9. რაჰიმ სტერლინგი – 100 მილიონი ევრო

10. რომელუ ლუკაკუ – 100 მლნ ევრო

11. კევინ დე ბრუინი – 100 მლნ ევრო

12. ფრენკი დე იონგი – 90 მლნ ევრო

13. ბრუნო ფერნანდეში – 90 მლნ ევრო

14. იოსუა კიმიხი – 90 მლნ ევრო

15. იან ობლაკი – 90 მლნ ევრო

16. მარკუს რაშფორდი – 85 მლნ ევრო

17. ჰიონ-მინ სონი – 85 მლნ ევრო

18. ანსუ ფატი – 80 მლნ ევრო

19. ჟოაო ფელიქსი – 80 მლნ ევრო

20. ლიონელ მესი – 80 მლნ ევრო

21. ალფონსო დევისი – 75 მლნ ევრო

22. მატიას დე ლიხტი – 75 მლნ ევრო

23. მარკ-ანდრე ტერ შტეგენი – 75 მლნ ევრო

24. პედრი – 70 მლნ ევრო

25. ფილ ფოდენი – 70 მლნ ევრო