“ბარსელონას” მარცხენა მცველის, ჟუნიორ ფირპოს დამატების სურვილს კიდევ ერთი კლუბი გამოთქვამს. საუბარი ინგლისურ “საუთჰემპტონზეა”.
ESPN-ის მიერ გავრცელებული ინფორმაციის თანახმად, “საუთჰემპტონი” “ბარსას” ფირპოს თაობაზე დაუკავშირდა. ინგლისური კლუბი ამ ეტაპზე მხოლოდ ჟუნიორის ტრანსფერის შესაძლებლობებს იკვლევს. იმ შემთხვევაში, თუ “საუთჰემპტონი” 24 წლის ფეხბურთელის შეძენას გადაწყვეტს, მას მოუწევს, დომენიკელი მოთამაშისთვის ბრძოლაში კონკურენცია “მარსელს”, “ინტერს”, “მილანს”, “რომას”, “ნაპოლისა” და “ვესტ ჰემს” გაუწიოს.
“ბარსელონაში” ამ ზაფხულში დიდი ცვლილებები იგეგმება. ივარაუდება, რომ გუნდს არაერთი ფეხბურთელი დატოვებს, მათ შორის ფირპოც.
ჟუნიორ ფირპომ 2020/21 წლების სეზონში მონაწილეობა 17 მატჩში მიიღო, 1 გოლი გაიტანა და 1 შედეგიანი გადაცემა გააკეთა.
ალბათ უფასოდ არ გაუშვებენ, კაია რო წავიდა ბართოს დრო.
გაატანეთ ულაპარაკოდ
სხვათაშორის 3 მცველიან ტაქტიკაში მარცხენა ცენტრალურ მცველად მშვენიერი ვარიანტი იქნება ნებისმიერი კლუბისთვის. არ შეუძლია მთლიანად ფლანგი ჩაიბაროს და შეტევა ამწვავოს, მაგრამ ფიზიკურად ძლიერი და სწრაფი მცველია ამიტომ დაცვით ფუნქციებს კარგად შეასრულებს
ვინ იყიდის მაგ ფასში 😀
20-25 იქნება ალბათ კარგი ვარიანტი, მეტს არავინ გადაიხდის
ამდენი კლუბი ჩალიჩობს ფირპოზე?ჰაჰ გაუშვით საკაიფო ფასში.