დემბელე დაიწყებს? | 3 სახის ტაქტიკური მონახაზი ატლეტიკოსთან

ხვალ “ბარსელონას” ლა ლიგის დარჩენილ 4 ტურში ყველაზე მნიშვნელოვანი მატჩი ელის. თუ კატალონიელებს სურთ, რომ ტიტულის მოსაპოვებლად საკუთარ თავზე იყვნენ დამოკიდებულნი და ერთბაშად ორი გუნდის ფეხის დაცდენის იმედად არ დარჩნენ, ამ მატჩში 3 ქულა აუცილებლად ესაჭიროებათ.

ქვემოთ 3 სახის ტაქტიკური მონახაზი შეგვიძლია განვიხილოთ, რომელთაგან ერთ-ერთიც, შესაძლოა, რონალდ კუმანმა პირველ წრეში “ვანდა მეტროპოლიტანოზე” განცდილი მარცხის შემდეგ რევანშის ასაღებად გამოიყენოს.

ვარიანტი N1

წინა მატჩის გამოტოვების შემდეგ, შესაძლოა, ოსკარ მინგესა ისევ სასტარტო თერთმეტეულში ვიხილოთ. რონალდ არაუხო საუკეთესო ფორმაში ჩადგომას ჯერჯერობით ისევ ვერ ახერხებს. მიუხედავად ზედმეტად დიდი დატვირთვისა და გადაღლილობისა, ძირითად შემადგენლობაში ვიხილავთ პედრისაც.

ვარიანტი N2

ამ შემთხვევაში რონალდ კუმანი არაუხოს ზედიზედ მეორე მატჩში კიდევ ერთ შანსს მისცემს და ოსკარ მინგესა ისევ სკამზე დარჩება. “ატლეტიკოსთან” უფრო მეტი ფიზიკური ორთაბრძოლაა მოსალოდნელი, ამიტომ საკუთარ შანსს პედრის ნაცვლად – ილაიშ მორიბა და დესტის ნაცვლად – სერჟი რობერტო მიიღებენ.

ვარიანტი N3

მესამე ვარიანტში უფრო შემტევ ფორმაციასთან გვაქვს საქმე. 3-4-3 ტაქტიკის დროს უსმან დემბელე პედრის ჩაანაცვლებს და კიდევ ერთ თავდამსხმელად მოგვევლინება. დაცვის ხაზში კი პიკე-არაუხო-მინგესას ტრიო დაიწყებს.

შეხვედრა ხვალ, თბილისის დროით 18:15-ზე დაიწყება, პირდაპირ რეპორტაჟს სილქ უნივერსალი შემოგთავაზებთ.