ერთი დღე “ბარსას” ისტორიაში – 7 მაისი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 7 მაისს მოხდა.

თამაშები

7 მაისს “ბარსელონას” 14-ჯერ უთამაშია. კატალონიელებმა 8 მატჩი მოიგეს, 2 ფრედ დაასრულეს და 4 წააგეს.

1916 წელი

“ბარსელონას” საშინაო არენა “კამპ დე ლა ინდუსტრიამ” ესპანეთის თასის ფინალს უმასპინძლა, რომელშიც “ბილბაომ” “რეალ მადრიდი” 4-0 გაანადგურა.

1947 წელი

დაიბადა “ბარსელონას” ყოფილი მცველი და მწვრთნელი ანტონიო დე ლა კრუსი. 1972-1980 წლებში მან “ბლაუგრანას” მაისურით 247 თამაში ჩაატარა და 6 გოლი გაიტანა.

1986 წელი

ჩემპიონთა თასის (ამჟამინდელი ჩემპიონთა ლიგა) ფინალის 0-0 დასრულების შემდეგ “ბარსელონამ” რუმინულ “სტიაუასთან” თერთმეტმეტრიანების სერიაში 0-2 წააგო.

1994 წელი

“ბარსელონამ” “რეალ მადრიდს” ლა ლიგის სეზონის მე-2 თამაშიც მშრალად მოუგო, ამჯერად “ბერნაბეუზე”, გილერმო ამორის ერთადერთი გოლით.

ეს მატჩი ანდონი სუბისარეტასთვის ლა ლიგაში “ბარსელონას” მაისურით გამართული მე-300 შეხვედრა გამოდგა.

1997 წელი

დაიბადა “ბარსელონას” ხელბურთელი ალეიშ გომესი.

2005 წელი

“ბარსელონას” ხელბურთის გუნდმა ჩემპიონთა ლიგა მეშვიდედ მოიგო. “სიუდად რეალთან” ფინალის პირველი თამაშის 27-28 წაგების შემდეგ კატალონიელებმა განმეორებითი შეხვედრა თამაშის დასრულებამდე 30 წამით ადრე გატანილი გოლით, 29-27 მოიგეს.

2008 წელი

“ბარსელონას” ფეხბურთელებმა “ბერნაბეუზე” 1-4 წაგების წინ ახლადგაჩემპიონებულ “რეალ მადრიდს” საჩემპიონო კორიდორი გაუკეთეს.

2014 წელი

გარდაიცვალა ჟოან ლაკუევა, ადამიანი, რომელმაც ლეო მესის “ბარსელონაში” გადმოსვლაში დიდი როლი ითამაშა.

2019 წელი

ჩემპიონთა ლიგის 1/2 ფინალის პირველი მატჩის 3-0 მოგების შემდეგ “ბარსელონამ” “ლივერპულთან” 0-4 წააგო.