ერთი დღე “ბარსას” ისტორიაში – 20 მარტი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 20 მარტს მოხდა.

თამაშები

20 მარტს “ბარსელონას” 14-ჯერ უთამაშია. კატალონიელებმა 6 მატჩი მოიგეს, 4 ფრედ დაასრულეს და 4 წააგეს.

1927 წელი

ორ დღეში “ბარსელონამ” და “რეალმა” მეორედ ითამაშეს. მადრიდში გამართული შეხვედრა კატალონიელებმა 4-1 მოიგეს. სტუმართაგან გოლები სასტრემ (2) და პედროლმა გაიტანეს, ხოლო კესადამ ბურთი საკუთარ კარში ჩაჭრა.

1960 წელი

“კამპ ნოუზე” გამართული “ელ კლასიკო” “ბარსელონამ” 3-1 მოიგო, მასპინძელთაგან გოლები კოჩიშმა, მარტინესმა და ვილიავერდემ გაიტანეს, ხოლო სტუმართაგან – დი სტეფანომ.

ეს “ბარსელონასთვის” ლა ლიგაში მოგებული მე-400 თამაშში იყო.

2012 წელი

ლა ლიგაში “გრანადასთან” ანგარიშით 5-3 მოგებულ შეხვედრაში მესიმ სესარ როდრიგესს გადაასწრო და არგენტინელი “ბარსელონას” ისტორიაში საუკეთესო ბომბარდირი გახდა.

2022 წელი

მადრიდში გამართულ “ელ კლასიკოში” “ბარსელონამ” “რეალ მადრიდი” 4-0 გაანადგურა. გოლები ობამეიანგმა (2), არაუხომ და ფერან ტორესმა გაიტანეს.