“ბარსა” ჩემპიონთა ლიგის გასვლით მატჩებში გოლს არ უშვებს

მიუხედავად იმისა, რომ, შესაძლოა, დღეს “ბარსელონა” ჩემპიონთა ლიგას გამოეთიშოს, კატალონიელებს რეკორდის დამყარების შანსი მაინც აქვთ.

საქმე იმაშია, რომ “ლურჯ-ბროწეულისფრებს” ჩემპიონთა ლიგის მიმდინარე გათამაშებაში, გასვლით მატჩში საკუთარ კარში გოლი მიღებული არ აქვთ:

• იუვენტუსი 0:2 ბარსელონა
• დინამო კიევი 0:4 ბარსელონა
• ფერენცვაროში 0:3 ბარსელონა
• პსჟ -:- ბარსელონა

გასვლაზე ჩატარებული 3 მატჩიდან “ბარსამ” სამივე მოიგო, გაიტანა 9 გოლი და გაუშვა 0 (ბალანსი +9).

“ბლაუგრანა” ამ სეზონში გასვლით მატჩებში უჩვეულოდ კარგად თამაშობს და ბევრად უკეთ ვიდრე “კამპ ნოუზე”.

საკუთარ კედლებში გამართული 4 მატჩიდან, “ბარსელონამ” 2 წააგო, გაიტანა 8 გოლი და გაუშვა 9 (ბალანსი -1), კარი მშრალად ერთხელაც კი არ შეუნახავს.

Opta-ს სტატისტიკაზე დაყრდნობით, თუ “ბარსელონა” მოახერხებს და დღესაც მშრალად შეინახავს კარს, ჩემპიონთა ლიგის ისტორიაში გახდება პირველი გუნდი, რომელსაც საწყის 4 გასვლით მატჩში გოლი არ ექნება გაშვებული.