“ბარსელონასა” და პსჟ-ის ხვალინდელი დღის განრიგი

“ბარსელონამ” და “პარი სენ-ჟერმენმა” ჩემპიონთა ლიგის 1/8-ფინალში სამშაბათს გასამართ მნიშვნელოვან დაპირისპირებამდე თავიანთი სამოქმედო გეგმა შეადგინეს.

კატალონიური Mundo Deportivo-ს ცნობით, ხვალ რონალდ კუმანის გუნდი თბილისის დროით 14:00 საათზე ივარჯიშებს. ვარჯიშის დასრულების შემდეგ, 16:00 საათზე ნიდერლანდელი სპეციალისტი და ჟორდი ალბა პრესკონფერენციას გამართავენ.

რაც შეეხება განაცხადს, ივარაუდება, რომ იგი სამშაბათს დილით გასამართი ვარჯიშის დასრულებამდე ცნობილი არ გახდება. სწორედ განაცხადის დასახელების შემდეგ გაირკვევა, მიიღებენ თუ არა მონაწილეობას ჟერარ პიკე და რონალდ არაუხო პსჟ-სთან მატჩში.

“პარი სენ-ჟერმენი” ბარსელონას აეროპორტში 15 საათსა და 35 წუთზე ჩაფრინდება, რის შემდეგაც ფეხბურთელები სასტუმროში გადაინაცვლებენ. 20 საათსა და 15 წუთზე პსჟ-ის მთავარი მწვრთნელი მაურისიო პოჩეტინო და ნახევარმცველი ლეანდრო პარედესი პრესკონფერენციას გამართავენ, 21:00 საათზე კი ფრანგები “კამპ ნოუზე” ივარჯიშებენ.

ხვალინდელი დღის განრიგი თბილისის დროით

ბარსელონა

14:00 – ვარჯიში;

16:00 – რონალდ კუმანისა და ჟორდი ალბას პრესკონფერენცია.

პარი სენ-ჟერმენი

15:35 – ჩაფრენა ბარსელონაში და დაბინავება სასტუმროში;

20:15 – მაურისიო პოჩეტინოსა და ლეანდრო პარედესის პრესკონფერენცია;

21:00 – ვარჯიში “კამპ ნოუზე”.