მოგეხსენებათ, მიმდინარე ზაფხულის პირველ ივლისს სტარტს აიღებს კოპა ამერიკის ტურინირი და 24 ივლისამდე გასტანს. მასპინძელი ქვეყანა კი 2011 წელს არის არგენტინა. ტურინირში 5 “ბლაუგრანას” ფეხბურთელი იღებს მონაწილეობას. ლიონელ მესი, ხავიერ მასკერანო და გაბრიელ მილიტო დაიცავენ არგენტინის ეროვნული ნაკრების ღირსებას, ხოლო დანიელ ალვესი და ადრიანო კორეია ბრაზილიისას.
არგენტინის ნაკრები მოხვდა A ჯგუფში და ისინი იასპარეზებენ ბოლივიის, კოლუმბიისაა და კოსტა–რიკის ნაკრები გუნდების წინააღმდეგ. მათი თამაშები გაიმართება გათენებისას (თბილისის დროით). “პენტაკამპეონეების” ჯგუფში მოხვდნენ ვენესუელა, პარაგვაი და ეკვადორი. “ფეხბურთის ჯადოქრები” პირველ მატჩს 3 ივლისს გამართავენ, ხოლო “ალბისელესტე” 2 ივლისს იასპარეზებს. შეგახსენებთ, რომ ბოლო ორი კოპა ამერიკა ბრაზილიის ეროვნულმა ნაკრებმა მოიგო (2004, 2007).
არგენტინის ცხრილი
არგენტინა – ბოლივია. შაბათი, 2 ივლისი
არგენტინა – კოლუმბია. ხუთშაბათი, 7 ივლისი
არგენტინა – კოსტა–რიკა. სამშაბათი, 12 ივლისი
ბრაზილიის ცხრილი
ბრაზილია – ვენესუელა. კვირა, 3 ივლისი
ბრაზილია – პარაგვაი. შაბათი, 9 ივლისი
ბრაზილია – ეკვადორი. ხუთშაბათი, 14 ივლისი
12 გუნდი გადანაწილებულია 3 ჯგუფში 4–4–ად. ჯგუფიდან გადის პირველ–მეორეზე გასული გუნდები + პლიუს მათ 2 საუკეთესოდ მოასპარეზე მესამე ადგილოსანი. ფინალისგან განსხვავებით, ყველა თამაში ბუენოსაირესის გარეთ გაიმართება.
